Zelenski mühüm səfərə GETDİ: Nələr dəyişir?

Almaniya kansleri  15 dekabrda Zelenski ilə görüşü keçirilir.

Dünyanın diqqəti hazırda Almaniyaya yönlənib.

Bu,görüş müharibənin taleyini həll edə bilərmi?

Politoloq Mütəllim Rəhimli Oxu24.com-a açıqlamasında bildirib ki, Ukrayna probleminə münasibətdə Avropa İttifaqı ilə Birləşmiş Ştatlar arasında ciddi fikir ayrılıqları var.

“Bundan başqa Avropa Birliyinin özünün daxilində də fərqli baxışlar mövcuddur. Almaniya Federativ Respublikası Ukraynada müharibənin dayandırılmasının əleyhinə çıxış edir. Həm də digər Avropa ölkələrini də bu prosesə qoşmağa çalışır. Almaniya faktiki olaraq özünü prezident Zelenskinin dostu kimi aparır. Ukraynanın məğlubiyyətə bərabər sülhə məcbur edilməsinin əleyhinə çıxış edir. 

Ancaq əsas sual Almaniyanın nə qədər səmimi olması ilə bağlıdır. Doğurdanmı Almaniya Ukraynanın ərazi bütövlüyü və suverenliyinin qorunmasının tərəfdarıdır?

İndiyədək Almaniyanın nümayiş etdirdiyi mövqe bunu deməyə kifayət qədər əsas vermir. Lakin Almaniyanın bu mövqeyi Zelenski üçün indiki dövrdə böyük ümidlər yaradır. Zelenski böyük bir siyasi oyunun içərisində olduğunu və ölkəsini də ora qoşduğunun yəqin ki, fərqindədir. İndi ona biabırçı sülh sazişinin imzalanmasını yubatmaq lazımdır. Bəlkə gələcəkdə nəsə dəyisə bilər ümidi onun yeganə xilas yolu kimi görsənir. Çox güman ki, Zelenski artıq Almaniyanın da səmimiliyinə inanmır. AFR-in Ukraynada siyasi və iqtisadi maraqlarının olduğunu bilir. Sadəcə olaraq təklif edilən sülh müqaviləsində ABŞ və Rusiyanın maraqları prioritet götürülüb. 

Avropa ölkələrinin, o cümlədən, Almaniyanın heç bir marağı nəzərə alınmayıb. Ona görə də bu məsələ həll edilənədək Almaniya da muharibənin davam etdirilməsində maraqlıdır. Faktiki olaraq Zelenski ilə Almaniyanın.maraqları üst-üstə düşür. 

Ona görə də Berlində keçirilən görüşdə Ukraynaya yeni hərbi dəstəyin göstəriləcəyi ilə bağlı vədlər verilə bilər. Lakin Avropa İttifaqı bunu ehtiyatlı səkildə edir. Çünki lazim olan hərbi dəstəyi verməyə iqtisadi potensialı yoxdur. Həm də prosesin onun xeyirinə nəticələnəcəyinə əmin deyil. Buna görə də risk etmək istəmir. Müharibənin davam etdirilməsinin əsas yükünü və nəticələrlə bağlı məsuliyyəti Ukraynanın uzərinə qoyur”,-deyə politoloq bildirib.

Çimnaz Telmanqızı

Həmçinin oxuyun

Sükan arxasında siqaret çəkməyin cəzası varmı? – Hüquqşünasdan AÇIQLAMA  

Bakıda məktəblinin həyatına son qoyulub:Sinif yoldaşı TUTULUB

Prezident mühüm FƏRMAN İMZALADI

Kartdan karta səhvən pul göndərilməsi PROBLEMİ: Qanun nə deyir?