“K-pop” qrupu “BTS”in prodüseri həbs olunacaq 

Cənubi Koreyada polis musiqi prodüseri və “HYBE”nin təsisçisi Banq Si-hyuk üçün həbs proseduruna başlayıb. Hüquq-mühafizə orqanları onu kapital bazarı qanunlarını pozmaqda və şirkətin IPO-su zamanı qanunsuz mənfəət əldə etməkdə şübhəli bilir. 

 bildirir ki, Cənubi Koreya polisi “K-pop” qrupu “BTS”in arxasında duran agentliyin rəhbəri Banq Si-hyuku investorlara qarşı saxtakarlıq sxemi ilə qanunsuz olaraq 100 milyon dollardan çox pul qazandığı iddiaları ilə bağlı istintaq çərçivəsində həbs etməyə çalışır.

Seul Metropolitan Polis Agentliyi HYBE-nin təsisçisi və baş direktoru Banq üçün həbs orderinin verilməsini tələb etdiyini təsdiqləyib. Banqın hüquq komandası iddialara birbaşa cavab verməsə də, polisin onun həbsini tələb etməsindən təəssüfləndiyini bildirib. 

Qeyd edək ki, Banq 2019-cu ildə investorlara HYBE-nin səhmlərini ictimaiyyətə çıxarmağı planlaşdırmadığını söyləməklə, səhmlərini özəl kapital fonduna satmağa təşviq etməklə onları çaşdırdığı iddiası ilə noyabr ayından bəri istintaq altındadır. Polis hesab edir ki, fond, IPO-dan sonra səhmlərin satışından əldə edilən mənfəətin 30%-ni vəd edən əlavə bir müqavilədə Banqa təxminən 136 milyon dollar ödəmiş ola bilər.

2005-ci ildə “Big Hit Entertainment” adı altında HYBE-ni quran musiqi icraçısı və prodüseri Banq, K-popun ən nüfuzlu fiqurlarından biri hesab olunur. O,  “Seventeen”, “Le Sserafim” və “Katseye”, eləcə də “BTS0 daxil olmaqla, sənayenin ən populyar qruplarını idarə edir.

BTS üzvlərinin məcburi hərbi xidmət keçdiyi təxminən dörd illik fasilədən sonra dünya turuna çıxdığı üçün Banqın istintaq prosesi HYBE üçün ciddi bir maneə yaradır. Ötən ay “BTS” Seulda pulsuz geri dönüş konsertində on minlərlə beynəlxalq pərəstişkarı üçün çıxış edib, həmçinin Cənubi Koreyanın Qoyanq və Tokio şəhərlərində bir neçə şou təşkil edib. Qrup bu ayın sonunda Florida ştatının Tampa şəhərində konsertlə bir sıra ABŞ tədbirlərinə başlayacaq və iyul ayında Böyük Britaniyaya səfər edəcək sfera.az

Həmçinin oxuyun

SON DƏQİQƏ! Əli Əhmədovun oğluna vəzifə verildi

SON DƏQİQƏ! Milli Məclis mühüm qərar qəbul edib

Deputat Azərbaycanla bağlı  sevindirici XƏBƏRİ AÇIQLADI

Azərbaycanda qadınlar üçün şad xəbər - Pensiya, güzəştli kredit...