Koronavirus AVROPADA: dünya ölkələri hərəkətə keçdi

Çində ortaya çıxan və sürətlə yayılan yeni koronavirusun Fransada daha bir daşıyıcısı aşkarlanıb.

Oxu24.com   xəbər verir ki, ölkənin səhiyyə naziri Anyes Büzen məlumatı təsdiqləyib.

3-cü xəstə Bordeauks şəhərində xəstəxanaya yerləşdirilib.

Bundan başqa, ABŞ-da da daha bir nəfər koronavirusa yoluxub. Bu şəxs isə Çikaqo ştatında yaşlı bir qadındır. Onun 13 yanvarda virusun ortaya çıxdığı Vuhandan ölkəsinə geri qayıtdığı bildirilir. Beləliklə, ABŞ-da bu xəstəliyin daşıyıcı sayı 2-yə çıxıb. Amerikalı səlahiyyətli şəxslər daha 50 nəfərdə virusun əlamətləri olduğundan şübhələnir.

Qeyd edək ki, virus Tayland, Yaponiya, Cənubi Koreya, Tayvan, ABŞ, Sinqapur, Vyetnam və Səudiyyə Ərəbistanında təsbit edilib.

Hazırda Çində 900 nəfər virusa yoluxub, 26 nəfər bu səbəbdən dünyasını dəyişib.