FHN vətəndaşdan 10 min manat pul istəyib?  —  VİDEO

Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi və Dövlət Yanğın Nəzarəti Xidməti tərəfindən paytaxtın Binə və Buzovna qəsəbələrində yerləşən qanunsuz tikililərin söküntüsü zamanı qalmaqal yaşanıb.

Oxu24.com xəbər  verir  ki,Sakinlər FHN əməkdaşlarının onlardan evlərini sökməmək üçün 10 min manat pul tələb etdiyini iddia ediblər.

Onlar tikililərə aid müəyyən sənədlərin olduğu halda evlərinin sökülməsinə etiraz ediblər.

Məsələ ilə bağlı Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin müfəttişi Adil Bayramov açıqlamasında bildirib ki, dəfələrlə xəbərdarlıq edilməsinə baxmayaraq, sökülən obyekt sahibləri heç bir sənəd təqdim etməyiblər:

“Bu səbəbdən tərəfimizdən qanunsuz tikilən obyektlərə qarşı söküntü edilməsi qərarı verilib”.