LUX Residence-dən şikayət: 86 yaşlı qadının FƏRYADI  -Şirkətdən AÇIQLAMA (YENİLƏNİB)

86 yaşlı qadın iddia edir ki, "Lux Residence" tikinti şirkəti onu evindən çıxarmağa çalışıb.

Oxu24.com xəbər verir ki,Ajans.az-ın əldə etdiyi məlumata görə, Bakı şəhər, Yasamal rayonu İ. Qutqaşınlı küçəsi ev 29 ünvanında yaşayan İbrahimova Piruzə Abusət   qızını yaşadığı evdən məcburi şəkildə çıxarmağa çalışıb. 

Sakin iddia edir ki, ərazinin və binanın satılmasından sonra “LUX RESIDENCE” tikinti şirkəti digər bina sakinləri ilə razılığa gəlsə də, onunla bağlı fərqli mövqe sərgiləyib. Bildirilib ki, əvvəlcə sakini məcburi şəkildə evindən çıxarmağa cəhd olunub, etiraz etdikdən sonra isə məsələ məhkəməyə daşınıb.

Şikayətçinin sözlərinə görə, ona məxsus mənzilin sahəsi qanun üzrə 76 kvadrat metr olsa da, ilkin mərhələdə sənədlərdə bu göstərici 55 kvadrat metr kimi təqdim edilib. Digər sakinlərlə əldə olunan razılaşmaya əsasən, hər kvadrat metr üçün 4000–5000 manat məbləğində ödəniş təklif olunduğu halda, ona daha aşağı məbləğ təklif edildiyi bildirilir.

Məhkəmə prosesində mənzilin sahəsinin 76 kvadrat metr olduğu təsdiqlənsə də, hər kvadrat metr üçün ödənişin 2000 manat müəyyən edildiyi qeyd olunur. Sakin bu qərarla razılaşmadığını və hüquqlarının pozulduğunu iddia edir. 

Şikayətçi Piruzə İbrahimova, bununla bağlı  Azərbaycan Respublikasının birinci vitse-prezidenti Mehriban Əliyevaya da müraciət edib.

Məsələ ilə bağlı “Lux Residence” şirkətinin hüquqşünası Saleh İskəndərov  Ajans.az-a açıqlama verib.

Saleh İskəndərov şikayətçi Piruzə İbrahimovanın bütün şikayətlərinə aydınlıq gətirib.

O bildirib ki, Piruzə İbrahimovaya kompensasiya təklif edilib. Lakin  razılıq əldə edilmədiyi üçün qarşı tərəf məhkəməyə müraciət etmiş və müstəqil ekspertiza aparılmışdır.  Ekspertizanın rəyi də bazar dəyərinə uyğun hesablanmışdır. 

Hüquqşünas Saleh İskəndərov problemin həlli üçün atılan addımlardan da danışıb. 

“Piruzə İbrahimovaya 76 kvm sahəsində təmirli mənzil təklif edilmişdir. Mənzil sakinə təhvil verilənə qədər isə, aylıq 600 manatlıq kirayə haqqı da veriləcəyi bildirilmişdir. Lakin Piruzə xanım mənzil deyil, pul kompensasiyasını istədiyi üçün bazar dəyərində də artığı təklif edilib. Hazırda da Piruzə xanımla danışıqlar aparılır. Biz, hər zaman razılığa gəlməyə və istənilən şikayətləri aradan qaldırmağa hazırıq. “

View this post on Instagram

A post shared by Tural Museyibov (@museyibovtural_official_page)

Həmçinin oxuyun

Kimlər 20 il tez pensiyaya çıxacaq? - Bu aydan etibarən...

Hərbçimiz ailə üzvləri ilə birgə yol qəzasında həlak oldu 

Rus bölməsində təhsilin üstünlüyü reallıqdır, yoxsa mif? – Təhsil ekspertindən ANALİZ  

Azərbaycanda tanınmış şəxs vəfat etdi