Bu şəxslərin maaşlarına əlavələr VERİLƏCƏK – FƏRMAN
13 Mart 2025, 19:52
Qaynar xətt:
(+99450) 247 90 86
ÖZƏL BÖLÜM
1416
16.06.2020, 13:20
Kubra Məhərrəmova yazır...
Dünən gecədən elə səbirsizliklə gözləyirdim ki, sərt karantin rejimi bitəcək. Biz də səhər evdən bayıra çıxacağıq. Pandemiya elan olunub, virusla mübarizə aparırıq, dözmək lazımdır.
Evdə oturduğum müddətdə Bakını tərk edən xeyli sayda soydaşlarımızı açığı ürəyimdə məzəmmət elədim ki, ay qardaşlar, ay bacılar, ayıb deyil?
Bakı-Quba yolunu Paris-Dakar yoluna çevirmisiniz. Toz-tozanaq rayonlara gedibsiniz. Videolarda atışma səsi də olsa, elə bilərik, Suriyanın çölləridir. Yarınız Nabranın əyləncə məkanlarında səhərə kimi əylənirsiniz, yarınız Qəbələnin otellərində... Bəs yoluxma çoxalacaq. Hanı sizin sosial məsuliyyətiniz, hanı sizin karantin qaydalarına riayət etməniz? Məzəmmətin ən pik nöqtəsində bir də gördüm ki, sosial şəbəkədə qırğın düşüb.
Sən demə, ÜST-ün Azərbaycandakı nümayəndəsi Hande Harmancı “Instagram”a foto yükləyib. Adamın üstündə Allah var, “beautiful” filan yazıb. Etiketi də vurub ki, bəs Qubadayam. Arxasında da şəlalənin sərin suyu tökülür. Amma biz bunu görən kimi elə bil başımıza qaynar su tökdülər.
Bu necə olur, Hande ablacım? Deməli, bizə bərk-bərk tapşırırsınız ki, evdə qalın, özünüz isə Qubaya gedirsiniz? Şəlalənin dibində şəkil çəkdirib, kababdan nuş edirsiniz. Gəzib dolanırsınız, biz də ağıllı balalar kimi evdə oturduq. Nə gözəl karantindir bu böylə?
Qeyd edim ki, ÜST-lə əlaqələrini kəsən ABŞ Prezidenti Tramp oldu. 29 may 2020-ci ildə bəyanat verdi ki, “Tələb olunan lazımi islahatları həyata keçirə bilmədikləri üçün bu gün Ümumdünya Səhiyyə Təşkilatı ilə münasibətlərimizi kəsirik və maliyyə qaynaqlarımızı səhiyyə sahəsindəki və dünyadakı digər təcili problemlərə yönəldirik”. Bundan əvvəl isə aprel ayında Tramp ÜST-ün maliyyələşdirilməsini müvəqqəti dayandırdığını, təşkilatın koronavirus pandemiyası ilə böhrana necə reaksiya verdiyini araşdıracağını söylədi. ABŞ prezidenti bu təşkilatı “Çin tərəfdarı” adlandırmışdı. Tramp qeyd etmişdi ki, ABŞ hər il ÜST-ə 450 milyon dollar ayırdığı halda, Çin sadəcə 40 milyon dollar xərcləyir. Bəzi mütəxəssislər də iddia edirlər ki, koronavirusun təhlükəsi haqqında ÜST dünyaya gec məlumat verdi.
Çinin təzyiqi altında ÜST yalan məlumat yaymaqda günahlandırılır. ÜST-ün Azərbaycandakı təmsilçisi Hande ablamız hər brifinqdə deyir ki, əllərinizi yuyun, sosial məsafə gözləyin, karantin qaydalarını pozmayın. Bir də deyir ki, maska taxın. Vallah ki, mən bu başıbatmış koronavirus çıxandan maska da taxıram, əllərimi də gecə-gündüz yuyuram, sosial məsafəni də gözləyirəm. O dərəcədə gözləyirəm ki, dost-tanış, qohum-əqrəba elə bilir ki, Azərbaycandan köçüb getmişəm. Ya da elə bilirlər, ölmüşəm, iraq olsun!
Hande ablanın hərəkətlərindən sonra düşünürəm ki, gərək belə etməyəydim. Hande ablamız o qədər özündən razı oldumu, sərt karantin günlərində Bakını tərk edir, hələ bir Qubanın səfalı meşələrində gəzir, biz isə 35 dərəcə istidə qanuna riayət edən vətəndaş kimi otururuq evdə? Şəxsən mənim itim də yoxdur, ay Hande abla, barı gəzməyə çıxardım. Deyəsən, Hande ablanın da iti yoxdu. Yoxsa onu Qubaya gəzməyə aparıb?
Hə, bir az bundan əvvəl Hande ablamız Azərbaycan ictimaiyyətindən üzr istədi. Dedi ki, yanlış zamanda foto paylaşmışam. Hande abla, yanlış zamanda Azərbaycana gəlmisiniz, məncə, nə qədər sosial məsafə gözlənilir, gedin buralardan. Pandemiya bitəndən sonra isə qonaq gələrsiniz. Qubaya gedib, kabab yeyərsiniz.
10:21 / 18 Noyabr 2026
1
10:18 / 18 Noyabr 2026
21
10:14 / 18 Noyabr 2026
30
10:01 / 18 Noyabr 2026
60
09:11 / 18 Noyabr 2026
80
08:32 / 18 Noyabr 2026
99
00:38 / 18 Noyabr 2026
160
23:54 / 17 Noyabr 2026
163
23:36 / 17 Noyabr 2026
180
23:10 / 17 Noyabr 2026
174
23:03 / 17 Noyabr 2026
335
22:45 / 17 Noyabr 2026
197
22:22 / 17 Noyabr 2026
169
22:08 / 17 Noyabr 2026
411
21:51 / 17 Noyabr 2026
159
21:38 / 17 Noyabr 2026
171
21:20 / 17 Noyabr 2026
167
21:11 / 17 Noyabr 2026
168
20:45 / 17 Noyabr 2026
160
20:39 / 17 Noyabr 2026
231
20:23 / 17 Noyabr 2026
200
20:12 / 17 Noyabr 2026
246
19:59 / 17 Noyabr 2026
174
© 2026 Oxu24.com Müəllif hüquqları qorunur.