İşıq pulunun az yazması üçün bunu edin!

"Kommunal xidmət tarifləri hər il artır, buna görə də, mənzil-kommunal təsərrüfatı (MKT) ödənişlərini azaltmağın yolları həmişə aktual olaraq qalır. Elektrik enerjisinə qənaət etmək mümkündür. Əlbəttə əvvəlki istehlak səviyyəsi ilə ödəmələrin yarıbayarı azalacağını gözləmək olmaz, bununla belə, aylıq ödəniş məbləğini bir qədər azaltmaq realdır və ilin sonunda bu məbləğ büdcəyə əhəmiyyətli dərəcədə təsir edə bilər".

Oxu24.com-un  məlumata görə, bu barədə rusiyalı hüquqşünas, mənzil-kommunal təsərrüfatı məsələləri üzrə ekspert Andrey Fradkin məlumat verib.

Onun tövsiyə etdiyi qənaət yollarını təqdim edirik:

Enerjiyə qənaət edən məişət texnikası seçin

"Ən çox enerji sərf edən məişət texnikasına soyuducular, paltaryuyan və qabyuyan maşınlar daxildir. Əgər onları dəyişməyi planlaşdırırsınızsa, enerji sərfiyyatına dair işarələməyə diqqət yetirin - "A+++" və ya "A++" enerji sinfinə malik modelləri seçin. "C" sinfinə aid cihazlarla müqayisədə bu cihazların enerji sərfiyyatı 30-40% daha azdır", - deyə ekspert izah edib.

Məişət texnikasından rasional istifadə

"Paltaryuyan maşını tam doldurmaq daha sərfəlidir, çünki onu yarımboş vəziyyətdə bir neçə dəfə işlətmək daha çox enerji sərf edir. Əgər qaz sobanız varsa, çaydanı elektrikdən istifadə etmək əvəzinə, qazda qaynadın", - deyə ekspert bildirib.

İşıqlandırmaya diqqət yetirin

"Başqa bir qənaət üsulu köhnə lampaları LED lampalarla əvəz etməkdir. LED lampalar daha az enerji sərf edir və 2-3 il zəmanət müddətinə malikdir", - deyə o vurğulayıb.

Həmçinin oxuyun

İlham Əliyev buna görə Moskvaya getmir   —   DETALLAR ÜZƏ ÇIXDI 

Milli təhlükəsizlikdən qlobal siyasətə: Millət vəkili Arzu Nağıyev Azərbaycanın yeni dövr prioritetlərindən danışdı - MÜSAHİBƏ  

Bakıda  HİV viruslu xəstələr niyə əməliyyat olunmur? —   Tanınmış həkimlərin “yox” cavabının məsuliyyəti   (ARAŞDIRMA)

AMB-də müşavir idi - Vitse-prezident təyin olundu 

O, əlavə olaraq, işıqların lazımsız yerə yanmadığından əmin olmağa çağırıb.

"Otağı tərk edərkən işığı söndürməyi vərdiş halına gətirin. Lokal işıqlandırmaya üstünlük verin - məsələn, çilçıraq əvəzinə torşerlərdən, divar lampalarından və LED işıq zolaqlarından istifadə edin", - deyə ekspert vurğulayıb.

Hərəkət sensorları və enerji səmərəliliyi

Fradkin hərəkət sensorlarının quraşdırılmasının da enerji sərfiyyatını azaltmağa kömək edə biləcəyini vurğulayıb:

"Bu sensorlar otaqda insanların olması və təbii işıq intensivliyinə görə işıqları avtomatik yandırır və söndürür. Quraşdırılmasına ilkin xərc tələb olunsa da, gələcəkdə kommunal ödənişləri azaltmağa kömək edəcək".

İstifadə olunmayan cihazları şəbəkədən ayırın

"Televizor, notbuk və digər cihazlar işləmədikdə, onları sadəcə elektrik yuvasından çıxarmaq enerji sərfiyyatını azaldacaq", - deyə ekspert sözlərini yekunlaşdırıb.

(oxu.az)