"7 oğul istərəm" filmində adı çəkilən Sarı Şəmistan əslində kimdir? - TARİXİ FAKT

Səməd Vurğunun "Komsomol" poeması və "7 oğul istərəm" filmində adı çəkilən Sarı Şəmistan əslində kimdir?

Oxu24.com  xəbər  verir   ki, Şəmistan Mahmud oğlu Əyyubov 1895-ci ildə Qazax qəzasının Dağ Kəsəmən kəndində əkinçi ailəsində dünyaya gəlib.

1918-ci ilin oktyabr ayında 23 yaşlı Şəmistan Əyyubov bolşevik partiyasının üzvü olur.

1924-cü ildə banditizmə qarşı mübarizənin fəal iştirakçısı kimi tanınır.İnqilabın məzlum xalqlara səadət gətirəcəyinə inanan Şəmistan Əyyubov könüllü olaraq Qızıl Ordu sıralarına qoşulur.

Zakaspi, Əndican və s. cəbhələrdəki döyüşlərdə iştirak edir. 30-cu illərdə Qazax rayon Partiya Komitəsinin katibi, Yevlax pambıq zavodunun direktoru, Biləsuvar rayon İcraiyyə Komitəsinin sədri, Azərbaycan Toxucular İttifaqının sədri kimi məsul vəzifələrdə çalışır.

Şəmistan Əyyubov 20-ci illərdə ölkədə hökm sürən dərəbəylik və cinayətkar quldur dəstələrə qarşı mübarizədə fəal iştirak edir. Onun cinayət törədən şəxsləri kimliyindən asılı olmayaraq həbs elətdirməsi, partiya daxilində bir çoxlarını narahat edirdi. Xalq Komissarları Şurası tərəfindən daim təqib edilirdi.

Həmçinin oxuyun

Prezident İlham Əliyevdən İranla bağlı PAYLAŞIM 

Zəlzələ oldu

Nazirlik rəsmi məlumat yaydı: Onlara 700 manat ayda təqaüd veriləcək

Prezidentin təltif etdiyi polkovnik KİMDİR?    —   FOTOLAR

Nəhayət, Şəmistan Əyyubov, Azərbaycan SSRİ Fövqəladə Komissiyası tərəfindən həbs edilir. 3 aylıq həbsdən sonra azad olunsa da, "şübhəli ünsür" kimi partiyadan uzaqlaşdırılır. 1937-ci ilin repressiya dalğası komissar Şəmistan Əyyubovun da qapısını döyür.

SSRİ Ali Məhkəməsinin Hərbi Kollegiyasının səyyar sessiyası onu "əksinqilabçı-trotskiçi" və millətçilik fəaliyyətində günahlandırır və birinci kateqoriya ilə güllələnməyə məhkum edir. 1937-ci il yanvarın 5-dən 6-a keçən gecə Şəmistan Əyyubov güllələnir.

Güllələndikdən sonra, SSRİ XDİK-nin 1938-ci il 9 aprel tarixli qərarı ilə, Pəri xanım Abdulla qızı Əyyubova (Vəkilova) (Səməd Vurğunun qohumlarındandır) "vətən xaini"nin həyat yoldaşı kimi cəzasını İslah Əmək Düşərgəsində çəkməklə 8 il müddətinə azadlıqdan məhrum edilir.4 uşaq anası Pəri xanım Mordoviyaya sürgün olunur. Böyük oğlu, 15 yaşlı Mahmud həbs edilərək Bayıl həbsxanasına salınır. 11 yaşlı İsmayıl, 14 yaşlı Gülzar və 13 yaşlı Ədiləni isə Şüvəlandakı "bezprizorniklər"("kimsəsizlər") saxlanılan koloniyaya göndərirlər...

Hazırladı: Tarixçi Namiq Həsənov