Edam olunan kürdəxanılı inqilabçının HƏYATI

Hüseynbala Ağaverdi oğlu Ağaverdiyev 1888-ci ildə Bakının Kürdəxanı qəsəbəsində doğulub. 1901-ci ildə atasının ölümündən sonra Balaxanıda alman milyonçusu Riderlin mədənlərində işləməyə başlayıb. 1917-ci ilin əvvəllərindən fəhlə hərəkatına qoşulub, Binəqədidə fəhlələr arasında inqilabi iş aparıb. Həmin ilin may ayında isə bolşevik hərəkatına qoşulub. Azərbaycanda sovet hakimiyyətinin qələbəsindən sonra Binəqədi RİK-in tərkibinə daxil edilib. 1922–1926-cı illərdə Respublika Mədən Fəhlələri Həmkarlar İttifaqı Mərkəzi İdarə Heyətinin sədrinin müavini olub.

1926-cı ildə Azərbaycan Kommunist Partiyasının birinci katibi vəzifəsinin icrası Əliheydər Qarayev, Hüseynbala Ağaverdiyev və Levon Mirzoyandan ibarət katibliyə həvalə edilmişdi. 1927–1929-cu illərdə Azərbaycan SSR XTŞ-sədri, 1929–1934-cü illərdə "Azneft" Birliyi rəisinin müavini işləyib.1933-cü ildə ABŞ-yə işgüzar səfər edib(ABŞ SSRİ-ni tanıdığı ildə).1935-ci illərdən Azərbaycan SSR XKS sədrinin müavini, həmçinin, Xalq Yerli Sənaye komissarı vəzifəsində çalışıb. 1934-cü ildə Zaqafqaziya partiya təşkilatlarının VII qurultayında ÜİK(b) Zaqafqaziya Ölkə Komitəsinə, 1935-ci ildə isə Zaqafqaziya Mərkəzi İcraiyyə komitəsinə üzv seçilib.

17 iyul 1937-ci ildə "Trotski-Zinovyevçi əksinqilabi təşkilatın fəaliyyətində iştirak" etməyə görə həbs edilib, 766 nömrəli əmrlə I kateqoriya ilə güllələnməyə məhkum olunub. 3 oktyabr 1937-ci ildə edam edilib. 24 dekabr 1956-cı ildə bəraət verilib.

Hüseynbala Ağaverdiyev Xədicəxanım Xudaverdi qızı (1902-13 fevral 1944) ilə evli olub. SSRİ MİK-nin 4 iyul 1934-cü il tarixli qərarına əsasən o, "vətən xaini"nin həyat yoldaşı kimi 24 oktyabr 1937-ci il tarixdə saxlanılıb və 9 dekabr 1937-ci il tarixdə XDİK-in qərarına əsasən 8 il müddətinə azadlıqdan məhrum edilib. Xədicəxanım Ağaverdiyeva 19 oktyabr 1956-cı il tarixdə Zaqafqaziya Hərbi Dairəsi Hərbi Tribunalının qərarına əsasən bəraət alıb...

Həmçinin oxuyun

Azərbaycan 2026-cı ildə buna hazırlaşır: Rəsmi şəxs PLANLARI AÇIQLADI

Bu müəllimlərin qiymətləndirilməsi qaydası dəyişir   —  Ekspert yeniliyi AÇIQLADI

Ali təhsil aldığı müddət ərzində uşaq  aliment tələb edə bilərmi?

Bank borcu və maaşın 50 faizi: bu qanunidirmi?  

Hazırladı: Namiq Həsənov