BDU-ya 700-ə yaxın balla qəbul olunmuş müğənnimiz KİMDİR?  —  MARAQLI FAKTLAR

Oxu24.com hüquq təhsilli müğənni ilə bağlı maraqlı faktları təqdim edir:

1985-ci il yanvarın 24-də Bakı şəhərində ziyalı ailəsində dünyaya gələn Nərmin Kərimbəyova həm hüquq sahəsində fəaliyyəti, həm də ictimai-mədəni layihələrdə iştirakı ilə diqqət çəkən şəxslərdən biridir.

O, 2001-ci ildə paytaxtdakı 167 saylı orta məktəbi qızıl medalla bitirib. 2001-ci ildə qəbul imtahanlarında 700-ə yaxın bal toplayaraq Bakı Dövlət Universitetinin hüquq fakültəsinə daxil olan Nərmin Kərimbəyova 2001–2005-ci illərdə burada ilk ali təhsilini alıb.

Peşəkar fəaliyyətinə isə 2006-cı ildə başlayıb. Belə ki, o, Amerika Hüquqşünaslar Assosiasiyasının (ABA ROLI) Bakı ofisində Layihə Direktoru vəzifəsində çalışıb və müxtəlif hüquqi layihələrin həyata keçirilməsində iştirak edib.

Nərmin Kərimbəyova daha sonra təhsilini davam etdirərək 2008–2010-cu illərdə Azərbaycan Dövlət İqtisad Universitetində MBA proqramı üzrə təhsil alıb və bu ali məktəbi biznes idarəçiliyi üzrə magistr dərəcəsi ilə bitirib.

Eyni zamanda beynəlxalq proqramlarda da iştirak edən Kərimbəyova 2009-cu ildə Bolqarıstanda keçirilən Beynəlxalq Qadın Haqları İnstitutunun ikiillik proqramına qoşulub və qadın hüquqları sahəsində müxtəlif təlim və müzakirələrdə iştirak edib.

Həmçinin oxuyun

Laborantlıqdan Baş nazirə kimi YÜKSƏLDİ - 70 yaşlı Əli Əsədovun DOSYESİ  

TƏSDİQLƏNDİ: Bu şəxslərə ayda 200 manat veriləcək

Əli Əsədovun vurulmasının əsl səbəbləri - Kimlər gedir və nələr olacaq... 

Hava yenə dəyişir: Dolu düşəcək, qar yağacaq – BU TARİXDƏN 

Onun fəaliyyəti yalnız hüquq sahəsi ilə məhdudlaşmır. Nərmin Kərimbəyova 2017-ci ildə Bakıda keçirilən IV İslam Həmrəyliyi Oyunları çərçivəsində “Zirvə” mahnısını ifa edərək tədbirin musiqi proqramında da yer alıb.

Bu gün Nərmin Kərimbəyova Azərbaycan musiqi mühitində tanınan müğənnilərdən biri kimi fəaliyyət göstərir. Hüquq təhsili, beynəlxalq layihələrdə təcrübəsi və musiqi sahəsindəki fəaliyyəti onu həm intellektual, həm də yaradıcı tərəfi ilə seçilən sənətçilərdən birinə çevirib.

Onun həyat yolu göstərir ki, fərqli sahələrdə təhsil və təcrübə qazanan insanlar sonradan tamamilə başqa istiqamətlərdə də uğur əldə edə bilirlər. Nərmin Kərimbəyovanın hüquqdan səhnəyə uzanan yolu da məhz belə maraqlı nümunələrdən biridir.

Hazırladı: Nərmin Balacayeva