Azərbaycanda dəhşət: İki azyaşlı uşağın meyiti kanaldan tapıldı (VİDEO)

Salyanda 2 azyaşlı qardaş su arxında boğulub.

APA TV-nin Mil-Muğan bürosunun məlumatına görə, hadisə Salyan rayonunun Peyk kəndi ərazisində qeydə alınıb. 

Valideyn nəzarətindən yayınan 2016-cı il təvəllüdlü Nahid Rahin oğlu İsmayılov və qardaşı 2017-ci il təvəllüdlü Nail evlərinin yaxınlığından keçən su arxına düşərək boğulublar. 

Azyaşlı uşaqların arxda boğulmasına valideyn məsuliyyətsizliyi səbəb olub. Belə ki, hadisə vaxtı ata mal-qara otarırmış, uşağın anası, nənə və babası isə üzüm yarpağının yığımı ilə məşğul imişlər. 

Faktla bağlı araşdırma aparılır.