DİQQƏT! Xanımların fotosunu profillərdən götürüb erotik video hazırlayırlar

KRİMİNAL

503

26.02.2026, 19:47

Son günlər Bakı Dövlət Universitetinin Hüquq fakültəsinin xanım tələbələri ilə bağlı sosial şəbəkələrdə yayılan saxta və təhqiredici paylaşımlar geniş müzakirələrə səbəb olub. İddialara görə, açıq profillərdən götürülən foto və videolar montaj edilir, o cümlədən süni intellekt alətləri vasitəsilə dəyişdirilir və alçaldıcı formada yayılır.

Oxu24.com Bakupost.az-a istinadən xəbər verir ki, qısa müddətdə yaradılıb silinən səhifələr isə bu halların təsadüfi deyil, planlı və məqsədli şəkildə həyata keçirildiyi ehtimalını artırır.

Bu cür hallar artıq təkcə etik problem deyil, kibercinayət əlamətləri daşıya bilər. Rəqəmsal platformalarda şəxsi məlumatların icazəsiz istifadəsi, görüntülərin saxtalaşdırılması və nüfuzun zədələnməsi qanunvericilik baxımından məsuliyyət yaradır.

Süni intellekt texnologiyalarının əlçatan olması isə bu riskləri daha da artırır. Bu cür halların qarşısının alınması üçün həm hüquqi mexanizmlər, həm də texniki nəzarət gücləndirilməlidir. Bu kimi halların hüquqi qiymətləndirilməsi necə aparılır?

Bəs texniki baxımdan bu cür saxta görüntülər necə hazırlanır? Süni intellektdən bu məqsədlə necə istifadə olunur?

Məsələnin texnoloji tərəfini aydınlaşdırmaq üçün İT mütəxəssisinə müraciət etdik.

Sonda onu da bildirək ki, rəqəmsal mühitdə törədilən bu cür əməllər anonim görünsə də, izsiz deyil. Kibercinayət hallarında texniki izləmə və hüquqi araşdırma mexanizmləri mövcuddur. Rəqəmsal təhlükəsizlik isə artıq seçim deyil, zərurətə çevrilib.