İmişli şəhərində iki yeniyetməni elektrik cərəyanı vuraraq öldürüb.

OXU24.COM “Report”a istinadən xəbər verir ki, hadisə 5 saylı orta məktəbin ərazisində baş verib.

Belə ki, təhsil ocağının ərazisində yerləşən birmərtəbəli binanın üstünə çıxarkən 2010-cu il təvəllüdlü İsbərov Amid Seyran oğlunu və 2010-cu il təvəllüdlü Məmmədov Farid Vahid oğlunu elektrik cərəyanı vurub.

Hər iki yeniyetmə hadisə yerində dünyasını dəyişib.

Faktla bağlı araşdırmalar davam etdirilir.

TƏBİB İmişli şəhərində iki yeniyetmənin ölümü ilə bağlı açıqlama verib. Qurumdan bildirilib ki, bu gün saat 15:10 radələrində elektrik cərəyanı vurması səbəbilə İmişli Rayon Mərkəzi Xəstəxanasının Təcili tibbi yardım şöbəsinə çağırış daxil olub. Hadisə yerinə dərhal təcili tibbi yardım briqadası göndərilib.

2010 və 2014-cü il təvəllüdlü 2 nəfərin (kişi cinsli) hadisə yerində ölüm faktı qeydə alınıb.