Bank bağlanırsa,kredit borcu da ləğv olunur? - AÇIQLAMA 

Son zamanlar bank sektorunda müəyyən dəyişikliklər baş verir. Məsələn, bu günlərdə bir bank fəaliyyətini dayandıraraq bank olmayan kredit təşkilatına (BOKT) çevrilmişdi və bununla da ölkədə fəaliyyət göstərən bankların sayı 21-ə düşdü. Eyni zamanda Mərkəzi Bank tərəfindən açıqlanan şikayət statistikasında bəzi bankların ön sıralarda yer alması sektorda mövcud problemləri bir daha gündəmə gətirib. 

Qeyd edək ki, Azərbaycanda daha iki bankın fəaliyyətini dayandıracağı barədə fikirlər səsləndirilir.

Maraqlıdır, belə olan halda həmin banklara kredit borcu olan vətəndaşların öhdəlikləri ləğv olunur?

Sualımızı cavablandıran iqtisadçı Rəşad Həsənov Oxu24.com-a açıqlamasında bildirib ki, bankların ləğv edilməs prosesi iki formada həyata keçirilə bilir:

“Bank idarəediciləri bankın fəaliyyətinin dayandırılması ilə bağlı aidiyyəti üzrə requlyator quruma müraciət edirlər və bu istiqamətdə qərar tələb edirlər. Bu halda planlaşma əvvəlcədən aparılır və borcların, əmanətlərin, depozitlərin hansı banklara satılması və ötürülməsi ilə bağlı qərarı bir çox halda bank idarəediciləri tərəfindən qəbul edilir. Lakin yuxarıdan qərar qəbul edilirsə, yəni requlyator qurum hər hansı bankın fəaliyyətinin dayandırılması və lisenziyasının geri çağırılması ilə bağlı qərar qəbul edirsə, bu zaman ləğvedici müəyyən olunur, ləğvedicinin qərarları əsasında bankın müştərilərinə münasibətdə borcların, əmanətlərin transef edilməsi baş verir. Əmanətlərin Sığortalanması Fondu tərəfindən idarə olunan proses çərçivəsində kreditlər hər hansı bank və yaxud banklar arasında bölüşdürülə, satıla və yaxud ötürülə bilər”.

İqtisadçının sözlərinə görə, hansı səbəbdən olursa olsun, bankın bağlanması haqqında qərarın qəbul edilməsi müştərinin öz kredit öhdəliyini yerinə yetirməməsi demək deyil:

“Çünki bankın ləğv edilməsi onun aktivlərinin öhdəlikləri üzrə istifadə edilməsi prosesinin başlanması deməkdir. Vətəndaşlardan kreditlər toplanır, bunlar bankın aktivləri hesab olunurlar, kredit portfeli vətəndaşlardan toplandıqca isə bankın öhdəlikləri, yəni onun öz kreditor və əmanətçilərinə münasibətdə öhədliklərinin yerinə yetirilməsi prosesi həyata keçirilir. Bir sözlə, bankın bağlanıb-bağlanmamasından asılı olmayaraq, vətəndaşlar kredit borclarını ödəməlidirlər, qanunvericilik bu istiqamətdə sərt tələblər müəyyən edir”.

Yeganə

Həmçinin oxuyun

Azərbaycanda daha bir yol ÖDƏNİŞLİ OLDU - MƏBLƏĞLƏR AÇIQLANDI  

Deputat şad xəbəri AÇIQLADI: Azərbaycan üçün qazanc gətirəcək layihə gəlir

Azərbaycanda 2 iyun tarixindən bu qərarlar qüvvəyə minəcək  — RƏSMİ QƏRAR

TƏCİLİ! Tarif Şurasından yeni qərar var