Yaşasaydı,35 yaşını qeyd edəcəkdi — 2 övlad atası olan şəhidin doğum günüdür

HƏRBİ

496

13.06.2025, 11:22

Bu gün (13 iyun) Şəhid QAFAROV ZƏRBƏLİ VİDADİ oğlunun cənnətdəki doğum günüdür.

Qafarov Zərbəli Vidadi oğlu 13 iyun 1990-cı ildə Gəncə şəhərində doğulub.

2006-cı ildə Gəncə şəhər M.Əzizbəyov adına 15 nömrəli tam orta məktəbin 9-cu sinfini bitirib.

2008-ci ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən hərbi xidmətə çağrılmış, 2008-2010-cu illərdə xidməti borcunu Müdafiə Nazirliyinin “N” saylı hərbi hissəsində sıravi əsgər kimi yerinə yetirib.

2019-cu ildən Qafarov Zərbəli Vidadi oğlu MAHHX HQ kimi xidmət edib.

27 sentyabr 2020-ci il tarixində Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilmişdir. Zərbəli Qafarov “N” saylı hərbi hissənin əsgəri kimi Azərbaycan Respublikasının ərazi bütövlüyü uğrunda vuruşmuş, Goranboy və Tərtər rayonları ərazisində gedən döyüşlərdə iştirak etmişdir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

8 oktyabr 2020-ci ildə Tərtər rayonunun Talış və Suqovuşan kəndləri istiqamətində gedən döyüşdə şəhid olub.

9 oktyabr 2020-ci ildə Gəncə şəhərinin Şəhidlər xiyabanında torpağa tapşırılıb.

Qafarov Zərbəli Vidadi oğlu Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə “Vətən uğrunda” (ölümündən sonra) medalı ilə təltif edilib.

Ailəli idi. 2 övladı yadigar qalıb.

Nigar