Rusiya hava hücumundan müdafiə sistemləri Rusiyanın bölgələri üzərində on bir Ukrayna pilotsuz təyyarəsini vurub.

Oxu24.com xəbər verir ki,bu barədə Rusiya Müdafiə Nazirliyi məlumat yayıb.

“Moskva vaxtı ilə (Bakı vaxtı ilə 19:00-22) saat 18:00-dan 21:00-a qədər Ukraynanın 11 pilotsuz uçuş aparatı növbətçi hava hücumundan müdafiə sistemləri tərəfindən məhv edilib”, - məlumatda deyilir.

Doqquz PUA Belqorod vilayəti ərazisində, daha iki pilotsuz uçuş aparatı Kursk vilayəti üzərində vurulub.

Yanvarın 5-də hava hücumundan müdafiə sistemləri iki saat ərzində Rusiya regionları üzərində beş pilotsuz təyyarəni vurub. Ölən və yaralananlar olmayıb.

Ümumilikdə, ötən gecə növbətçi hava hücumundan müdafiə sistemləri Rusiya regionları üzərində Ukrayna Silahlı Qüvvələrinə məxsus 61 pilotsuz uçuş aparatını məhv edib. Rostov vilayətində 37, Bryansk vilayətində 20 pilotsuz təyyarə məhv edilib. Bundan əlavə, Belqorod, Voronej və Oryol vilayətləri üzərində düşmən PUA-ları məhv edilib.

Bundan əvvəl Ukrayna pilotsuz təyyarələri Bryansk vilayətindəki “Drujba” neft kəmərinə hücum edib.

Nigar