Rusiya hava hücumundan müdafiə sistemləri bir sutka ərzində Bryansk vilayəti üzərində Ukrayna Silahlı Qüvvələrinə məxsus ikinci pilotsuz uçuş aparatını vurub.

Oxu24.com xəbər verir ki,bu barədə regionun qubernatoru Aleksandr Boqomaz özünün Telegram kanalında məlumat verib.

Pilotsuz təyyarənin hücumu nəticəsində tələfat və ya infrastruktur dağıntıları olmayıb.

Boqomaz əlavə edib ki, hazırda hadisə yerində operativ və təcili yardım xidmətləri işləyir.

Səhər saat 8 radələrində ilk Ukrayna pilotsuz təyyarəsi Bryansk vilayəti üzərində vurulub.

Rusiya Müdafiə Nazirliyi həmçinin hava hücumundan müdafiə sistemlərinin Kursk vilayətinin ərazisi üzərində bir pilotsuz təyyarəni vurduğunu bildirib.

Rusiya regionlarına pilotsuz təyyarələrin hücumları 2022-ci ildə Ukraynada keçirilən xüsusi hərbi əməliyyat fonunda başlayıb. Kiyev onun iştirakını rəsmən təsdiqləməyib, lakin 2023-cü ilin avqustunda Ukrayna prezidentinin aparat rəhbərinin müşaviri Mixail Podolyak bildirib ki, Rusiyaya PUA-nın zərbələrinin sayı “artır”.

Bundan əvvəl BMT Ukraynada yaralı rus əsgərlərinin pilotsuz təyyarələrlə öldürüldüyünü bəyan edib.

Nigar