Qaynar xətt:

(+99450) 247 90 86

Avropa Rusiyaya təzyiqləri artıracağına söz verib

DÜNYA

186

12.05.2025, 19:44

Aparıcı Avropa ölkələri və Avropa Komissiyası Londonda keçirilən iclasda Ukraynada 30 günlük atəşkəs rejimini dəstəklədiklərini bəyan ediblər və eyni zamanda buna nail olmaq üçün Rusiyaya təzyiqləri artıracaqlarını vəd ediblər.

Oxu24.com  xəbər  verir  ki, bu barədə Böyük Britaniya Xarici İşlər Nazirliyinin saytında dərc olunan London görüşündən sonra xarici işlər nazirlərinin birgə bəyanatında deyilir.

“Biz ədalətli, hərtərəfli və davamlı sülhə dair danışıqlara yer yaratmaq üçün 30 gün ərzində dərhal, tam və qeyd-şərtsiz atəşkəs elan edilməsinə çağırışda Ukraynaya qoşuluruq”, - bəyanatda deyilir.

Həmçinin qeyd olunur ki, Avropa ölkələri “kölgə donanması” adlandırılan donanma ilə mübarizə apararaq, Rusiya neftinə daha sərt qiymət məhdudiyyətləri tətbiq etməklə və Rusiya enerji resurslarının qalan idxalını azaltmaqla Rusiyaya təzyiqləri davam etdirmək niyyətindədir.

Bundan əvvəl Fransa prezidenti Emmanuel Makron Rusiyanın 30 günlük atəşkəs təklifinin yalnız bazar ertəsi, mayın 12-si axşama qədər qüvvədə olduğunu bildirib.

Nigar