ABŞ-ın İraqdakı aviabazasına hücum olub

İraqın qərbindəki Ənbar əyalətindəki Ayn əl-Əsəd aviabazasına hücum nəticəsində 7 əsgər yaralanıb, onların hamısının vəziyyəti stabildir.

 

Oxu24.com  bu barədə ABŞ hərbi rəsmisinə istinadən xəbər verir.

O, avqustun 5-də axşam iki raketin aviabazaya düşdüyünü, nəticədə beş amerikalı hərbçinin, eləcə də iki podratçının yaralandığını vurğulayıb. Hərbçilərə aviabazada tibbi yardım göstərilir, qalan iki nəfər təxliyə edilib.

Bundan əvvəl ABŞ müdafiə naziri Lloyd Austin və onun israilli həmkarı Yoav Qalant İraqda Amerika hərbçilərinin yerləşdiyi aviabazaya hücumu “təhlükəli eskalasiya” adlandırmışdılar.

Fələstin-İsrail münaqişəsinin kəskinləşməsi başlayandan bəri İraqdakı Amerika bazaları, eləcə də Suriyadakı Amerika hərbçiləri müntəzəm olaraq atəşə tutulub. Hücumlara görə məsuliyyəti İraqda fəaliyyət göstərən silahlı şiə qrupları öz üzərinə götürür.

2023-cü il oktyabrın 7-də Qəzza zolağından minlərlə Həmas yaraqlısının İsrailə sızmasından sonra Yaxın Şərqdə vəziyyət gərginləşib. İyulun 27-də Hizbullah Colan təpələrindəki Məcdəl Şəms kəndində 12 uşağı vurduqdan sonra gərginlik müharibədən əvvəlki səviyyəyə çatıb. Raketlər Livan ərazisindən atılıb. İyulun 30-da İsrail Beyrutu vurdu və hücumun hədəfi Hizbullahın ikinci fiqurunu göstərdi.

 

Nigar