Nigeriyalı etireazçılar Rusiya bayraqları ilə etiraz edib

Nigeriya polisi Kano, Kaduna, Katsina və Bauçi ştatlarında Rusiya bayraqları ilə dalğalanan hökumət əleyhinə “Pis idarəçiliyə son” etirazını bildirən azı 30 nəfəri həbs edib.

Yerli Punch nəşri Müdafiə Qərargah rəisi, general Kristofer Musanın açıqlamalarına istinadən xəbər verir ki, ölkə üzrə ümumilikdə 873 nəfər, o cümlədən çoxlu sayda Rusiya bayraqları daşıyan Əhməd Bello adlı dərzi saxlanılıb.

Həbslər Nigeriya prezidenti Bola Tinubunun təhlükəsizlik xidmətlərinə ölkədə Rusiya simvollarını nümayiş etdirənlərə qarşı sərt tədbirlər görməyi əmr etməsindən sonra başlayıb.

"Əvvəlcə aksiya başlayanda onlar (etirazçılar) bunun dinc aksiya olduğunu dedilər, lakin biz başa düşdük ki, etirazdan istifadə edərək xaos yaratmağa hazır olan insanlar var", - Musa brifinq zamanı izah edib. O, əlavə edib ki, hakimiyyət Nigeriyada xarici bayraqların asıldığı, nümayişçilərin soyğunçuluq və oğurluqla məşğul olmağa başladığı vəziyyətdən narahatdır.

Nigeriya hakimiyyəti Rusiya bayraqlarını asan insanların hərəkətlərini təqdir etmir, general xəbərdarlıq edib: “Bu cinayət dövlətə xəyanətlə müqayisə oluna bilər və ona belə yanaşılacaq”. O, həmçinin qeyd edib ki, yad rəmzləri nümayiş etdirənlərin əksəriyyəti buna sövq edilən uşaqlardır. “Onlara kimin sponsorluq etdiyini izləyirik. Biz bunun arxasında duranları müəyyən etmişik və onlara qarşı ciddi tədbirlər görəcəyik”, - deyə Musa bildirib.

 

Miri