Edmundo Qonzalesə qarşı cinayət işi açılıb

Venesuela Baş Prokurorluğu son seçkilərdə prezidentliyə namizəd olmuş müxalifət lideri Mariya Korina Maçado və keçmiş diplomat Edmundo Qonzalesə qarşı cinayət işi açıb. 

 

İş, Qonzales və Maçadonun "Milli Seçki Şurası tərəfindən elan edilən şəxs deyil, prezident seçkilərinin qalibi" adlandırılan bəyanat yayması səbəbindən açılıb. Üstəlik, sənədin mətnindən göründüyü kimi, bu cür bəyanatlar üçün səlahiyyətli orqan yalnız şuradır.

Baş Prokurorluq hesab edir ki, Qonzales və Maçado “polis və hərbi qulluqçuları qanunlara tabe olmamağa çağırır”. Bundan başqa, onlar “hakimiyyəti qəsb etmə”, “iğtişaşlar təşkil etmək üçün yalan məlumat yayma”, “qiyama təhrik”, habelə “cinayətkar sui-qəsd”də ittiham olunurlar.

Söhbət Mariya Korina Maçadonun daha əvvəl X sosial şəbəkəsində yerləşdirdiyi bəyanatdan gedir. Maçado və Qonzalesin imzaladığı sənədin mətnindən belə görünür ki, Venesuelanın bütün ştatlarında müxalifət qalib gəlib. Bəyanat müəllifləri həmçinin prezident Nikolas Maduronu məğlubiyyəti etiraf etməkdən imtina etməkdə ittiham ediblər.

Venesuelada prezident seçkiləri iyulun 28-də keçirilib. Milli Seçki Şurası 2013-cü ildən hakimiyyətdə olan prezident Nikolas Maduronun qalib olduğunu açıqlayıb. Ondan başqa, 74 yaşlı keçmiş diplomat Edmundo Qonzalez Urrutia, aparıcı müxalifət qüvvəsi olan Demokratik Unitar Platformanın (PUD) nümayəndəsi də daxil olmaqla, prezidentliyə daha doqquz namizəd mübarizə aparırdı. Karakasda keçirilən seçkilərdə səslər hesablandıqdan sonra nəticələrlə razılaşmayan vətəndaşlar arasında etiraz aksiyaları başlayıb. Küçələrdə polislə nümayişçilər arasında toqquşma olub. Bir sıra Latın Amerikası ölkələri də seçkinin nəticələrini tanımayıb. Öz növbəsində Venesuela seçkinin nəticələrini tənqid edən yeddi ştatdan diplomatlarını geri çağırmaq qərarına gəlib.

 

Nigar