Fələstinə dəstək və iyulun 31-də İranda öldürülən HƏMAS Siyasi Bürosunun rəhbəri İsmayıl Haniyənin xatirəsinə şənbə günü İstanbulda Ayasofya məscidi yaxınlığındakı meydanda minlərlə insanın iştirakı ilə mitinq keçirilib.

TRT Haber telekanalı xəbər verir ki, polis hadisənin baş verdiyi ərazidə gücləndirilmiş təhlükəsizlik tədbirləri görüb və insidentlə bağlı məlumat daxil olmayıb.

Bir neçə ölkədə eyni vaxtda baş tutan aksiyanı Türkiyədəki qeyri-hökumət təşkilatları təşkil edib.

“A Haber” telekanalı xatırladır ki, ilkin olaraq Haniyənin təşəbbüsü ilə avqustun 3-də Qəzza zolağının sakinlərinə dəstək məqsədilə bütün dünyada nümayişlər keçirməyə çağırıb. İstanbulda keçirilən mitinq iştirakçıları əllərində “Azad Fələstinə”, “İsrail, Qəzzədən çıx”, “Qəlbimiz HƏMAS-la, müqavimətə dəstəyimiz” şüarları yazılmış plakatlar tutub.

Nigar