Rusiya daha bir Ukrayna pilotsuz təyyarəsini vurub

Rusiya hava hücumundan müdafiə sistemləri Belqorod vilayəti üzərində pilotsuz uçuş aparatını vurub.

 

Oxu24.com xəbər verir  ki, bu barədə Rusiya Müdafiə Nazirliyi məlumat yayıb.

 

Dron Moskva vaxtı ilə saat 19:00 radələrində vurulub.

 

"Ukraynaya məxsus pilotsuz uçuş aparatı Belqorod vilayətinin ərazisində növbətçi hava hücumundan müdafiə sistemləri tərəfindən məhv edilib", - məlumatda deyilir.

 

Avqustun 3-də Belqorod vilayətinin Şebekino şəhərində Ukrayna Silahlı Qüvvələrinin hücumundan sonra iki dinc sakinin yaralandığı bildirilib.

 

Bundan əvvəl vilayətin qubernatoru Vyaçeslav Qladkov Ukrayna Silahlı Qüvvələrinin Belqorod vilayətini sutka ərzində 110 dəfədən çox atəşə tutduğunu bildirib. Oktyabrski və Politotdelski qəsəbələri, Bessonovka, Varvarovka, Qolovino, Juravlevka, Neçaevka, Otradnoye, Saltıkovo, Ustinka, Şçetinovka, Yasnıye Zori, Berezovka, Starıy Xutor, Konovalovo və başqa kəndlər Ukrayna ordusunun hücumuna məruz qaldı.

 

Rusiya regionlarına pilotsuz təyyarələrin hücumları 2022-ci ildə Ukraynada keçirilən xüsusi hərbi əməliyyat fonunda başlayıb. Kiyev onun iştirakını rəsmən təsdiqləməyib, lakin 2023-cü ilin avqustunda Ukrayna prezidentinin aparat rəhbərinin müşaviri Mixail Podolyak bildirib ki, Rusiyaya PUA-nın zərbələrinin sayı “artır”.

 

Nigar