Gürcüstan parlamenti yaxınlığında aksiya iştirakçısı polisi təhqir etdiyi üçün saxlanılıb.

Oxu24.com  xəbər  verir  ki, həbs görüntülərini Sputnik Georgia Telegram kanalı yayıb.

Kadrlardan görünür ki, təhqir olunmuş polis əməkdaşları ona yaxınlaşan zaman yaxınlıqda dayanan etirazçılar yaşlı kişinin ağzını bağlamağa çalışıblar.

Camaatın etirazına baxmayaraq, polis əməkdaşları həmin şəxsi aparıblar.

Bundan əvvəl Gürcüstan prezidenti Salome Zurabişvili xarici agentlər haqqında səs-küylü qanuna veto qoyacağını bəyan etmişdi.

Qanuna görə, prezidentin vetosu parlamentdə sadə səs çoxluğu ilə ləğv edilə bilər.

Ötən gün Gürcüstan parlamentində xarici agentlər haqqında qanunun müzakirəsi zamanı iclası pozmağa cəhd edilib.

Aprelin 16-da axşam Tbilisidə Gürcüstan Daxili İşlər Nazirliyinin xüsusi təyinatlıları parlament binası yaxınlığında xarici agentlər haqqında qanun layihəsinə qarşı keçirilən mitinqdə peyda olublar.

Bundan əvvəl etirazçılar polis əməkdaşları ilə davaya başlayıblar. Aprelin 16-na keçən gecə Tbilisidə xarici agentlər haqqında qanun layihəsinin qəbuluna qarşı genişmiqyaslı etiraz aksiyası keçirilib.

Bundan əvvəl Gürcüstan prezidenti hakim partiyanı “Rusiya arzusu” adlandırmışdı.

Nigar