Dövlət Dumasına Rusiya ərazisində əcnəbilərin silah almasını qadağan edən qanun layihəsi təqdim edilib.

Oxu24.com  xəbər  verir   ki, bu barədə TASS məlumat yayıb.

Sənədə verilən izahat qeydində izah edilir ki, silahların dövriyyəsinə nəzarətin gücləndirilməsi rusların həyat və sağlamlığının qorunması üçün zəruridir.

Layihənin müəllifləri xarici vətəndaşlara təkcə silah almağı deyil, həm də onların Rusiya Federasiyası ərazisinə idxalını qadağan etməyi təklif edirlər.

Bunun üçün deputatlar hesab edirlər ki, “Silahlar haqqında” federal qanuna müvafiq düzəlişlər etmək lazımdır.

Martın 26-da Rusiya Dövlət Dumasının Krım vilayətindən olan deputatı Mixail Şeremet Rusiya vətəndaşlığı almış miqrantlara beş il müddətinə silah almağı qadağan etməyi təklif edib.

Parlamentaritin sözlərinə görə, göstərilən müddət ərzində Rusiya Federasiyasının yeni vətəndaşları öz həmvətənləri üçün təhlükə yaratmadıqlarını sübut edə biləcəklər.

Qanunvericilik təklifini hazırlamaq üçün Şeremet fraksiyalararası və idarələrarası qrupun yaradılmasını təklif edir.

Bundan əvvəl məlum olub ki, əcnəbilərin Rusiyada müvəqqəti qalma müddəti il ​​ərzində 90 günə endiriləcək.

Afət