ABŞ İranın İsrailə qarşı yeni qisas alacağını gözləyir

Pentaqonun keçmiş müşaviri Jasmine El-Gamal İranın İsraillə əlaqəli gəmini ələ keçirməsini bir sıra "intiqam aktları"nın ilki adlandırıb.

 

Oxu24.com  xəbər  verir   ki, O, bu barədə France 24 telekanalına açıqlama verib.

 

“Düşünürəm ki, biz İranın cavab tədbirinin mümkünlüyünü müzakirə edərkən bu barədə hələ dünən danışmışıq. Sonra qeyd etdik ki, bunu gözləmək lazımdır. Və bu, İsrailə və İsrailin bölgədəki maraqlarına qarşı mümkün addımlar silsiləsində potensial olaraq ilk addım kimi görünür”.

 

Bundan əvvəl britaniyalı professor Gerges İsraili illərdir İrana qarşı “təxribat” etməkdə ittiham edib.

 

Gergesin sözlərinə görə, Benyamin Netanyahunun aqressiv hökuməti İranı təxribata çəkmək qərarına gəlib və bu, Suriyadakı konsulluğa hücumda və bir sıra İİKK (İran İnqilabı Keşikçiləri Korpusu) komandirlərinin ləğvində özünü göstərib. Professor vurğulayıb ki, bu təxribatlar olmasaydı, münaqişənin qarşısını almaq olardı.

 

Aprelin 13-də səhər saatlarında İran nümayəndələri İsraillə əlaqəli MSC Aries gəmisinə minərək onu ələ keçiriblər.

 

İsrail bundan əvvəl İrana vəziyyətin gərginləşəcəyi təqdirdə nəticələri barədə xəbərdarlıq etmişdi.

 

Nigar