Rusiya Ukrayna böhranının həlli platforması kimi İsveçrəyə etibar etmir

Rusiya Ukrayna böhranının həlli platforması kimi İsveçrəyə etibar etmir və ola da bilməz, çünki bu ölkə Kiyevi dəstəkləyir.

 

Oxu24.com  xəbər  verir   ki, bunu RİA Novosti-yə istinadən Rusiya Xarici İşlər Nazirliyinin rəsmi nümayəndəsi Mariya Zaxarova deyib.

 

“İsveçrəyə də etibar ola bilməz. O, Ukraynanın mövqelərində dayanır, Kiyev rejimini dəstəkləyir, anti-Rusiya sanksiyaları tətbiq edir və Rusiyanı Avropa təhlükəsizlik sistemindən kənarlaşdıran strategiyalar qəbul edir”, - Zaxarova bildirib.

 

Onun sözlərinə görə, İsveçrənin hərəkətləri göstərir ki, o, Ukrayna böhranının həllində neytral ev sahibi, nəinki vasitəçi kimi çıxış edə bilməz.

 

Mart ayında İsveçrə Federal Şurası 13-cü məhdudiyyətlər paketi çərçivəsində Aİ-nin Rusiyaya qarşı sanksiyalarını dəstəklədiyini açıqlamışdı. Buraya 194 fiziki və hüquqi şəxs daxil idi. Bundan əlavə, sanksiyalar Rusiya Federasiyasının İHA-ların komponentlərinə çıxışını məhdudlaşdırmağa yönəlib.

 

Aprelin 11-də İsveçrənin ən böyük partiyası ölkə hakimiyyətini sərt neytrallığa qayıtmağa çağırıb.

 

Bundan əvvəl Rusiya Federasiyası İsveçrənin neytrallığına şübhə ilə yanaşırdı.

 

Nigar