Prezidentin Fərmanı nəyi DƏYİŞİR? - Ekspert mühüm DETALI AÇIQLADI
18 Noyabr 2026, 21:53
Qaynar xətt:
(+99450) 247 90 86
CƏMİYYƏT
840
18.05.2020, 15:55
"Atam deyirdi ki, məni Laçında dəfn edin”.
Bunu Qaynarinfo-ya açıqlamasında əməkdar artist, mərhum sənətkar Məhəbbət Kazımovun oğlu Rəşid Kazımov deyib.
Onun sözlərinə görə, Məhəbbət Kazımov öz vətənində vətənsiz olaraq dünyasını dəyişib:
"Atamın Laçınla bağlı böyük arzuları vardı. İstəyirdi doğulduğu kənddə yaşasın, nəvələrini orada böyütsün. Bütün qarabağlıların bir arzusu var, torpaqlar alınsın, hamı evinə, yurduna qayıtsın. Məhəbbət müəllimin bir vəsiyyəti vardı. Həmişə deyirdi: "Məni Laçında basdırın. Nə vaxt ölsəm, qəbrimi laçına aparın, məni doğulduğum torpaqda dəfn edin”. Allah eləsin, Laçın alınsın, torpaqlarımız qayıtsın... Atamın da dediyi kimi, torpaqlarımız qayıtığı gün mən burada bütün şəraitimi qoyub Laçına qayıdacağam. Atamın vəsiyyətini yerinə yetirəcəyəm. Atamın nəşini qəbirdən çıxarıb Laçına aparacaq, doğulduğu kənddə dəfn edəcəyəm. Bu vəsiyyətdir, gərək əməl edəm”.
Rəşid Kazımov Laçını görmədiyini, ancaq onun xəyalı ilə yaşadığını deyib:
"Təkçə atam deyil, böyüklər də danışanda həsrətlə dinləyərdik. Böyüklər məclislərdə Laçınla bağlı təəssüratlarını bölüşürdülər. Bu, bizi ağrıdır. Məcburi köçkünlərin hamısı Qarabağa qayıtmaq istəyir. Torpaqlar alınsa, 80% əhali yurduna qayıdar. Yetərincə təbliğat gedib, hər kəs oranı görmək istəyir. Atam kimi mənim də ürəyimdən keçən bir arzum var, Laçın alınsın, geri qayıdım. Orda mənim atamın kəndi var”.
Rəşid Kazımov "Laçınım” mahnısında bir fəryad olduğunu vurğulayıb:
"Mahnınn tarixçəsini bilmirəm. Amma bu mahnı Laçın işğal olunandan sonra yazılıb. "Laçınım” mahnısını digər mahnılardan fərqləndirən onun ah-nalə, fəryad üstündə yazılmasıdır. Məhəbbət Kazımov ös səsi ilə fəryad edir. Sanki bu mahnı ilə bütün Qarabağı ağlayır. Bütün Azərbaycan bu mahnını sevdi”.
Rəşid Kazımov həmişə olduğu kimi bu gün də Məhəbbət Kazımovun qəbrini ziyarət etdiyini deyib.
22:11 / 18 Noyabr 2026
13
21:55 / 18 Noyabr 2026
40
21:53 / 18 Noyabr 2026
83
21:40 / 18 Noyabr 2026
69
21:26 / 18 Noyabr 2026
67
21:20 / 18 Noyabr 2026
72
21:09 / 18 Noyabr 2026
75
21:03 / 18 Noyabr 2026
98
20:53 / 18 Noyabr 2026
104
20:50 / 18 Noyabr 2026
88
20:45 / 18 Noyabr 2026
234
20:42 / 18 Noyabr 2026
116
20:40 / 18 Noyabr 2026
100
20:34 / 18 Noyabr 2026
104
20:28 / 18 Noyabr 2026
97
20:19 / 18 Noyabr 2026
599
20:05 / 18 Noyabr 2026
131
19:56 / 18 Noyabr 2026
120
19:41 / 18 Noyabr 2026
108
19:36 / 18 Noyabr 2026
108
19:36 / 18 Noyabr 2026
103
19:26 / 18 Noyabr 2026
118
19:19 / 18 Noyabr 2026
138
© 2026 Oxu24.com Müəllif hüquqları qorunur.