"İnteqral"ın milyonluq mənimsəmə işi üzrə hökm açıqlandı

"İnteqral" QSC-nin 1,4 milyon manat pulunu pulunu mənimsəməkdə təqsirləndirilən Orxan Məmmədova, Zaur Babayevə 8 il, Murad Rəsulova 5 il müddətə azadlıqdan məhrum etmə, Cəbrayıl Cəbrayılov və Fuad Xəlilzadəyə isə 5 il sınaq müddəti olmaqla şərti cəza verilib.

Oxu24.com bu barədə hökm Bakı Ağır Cinayətlər Məhkəməsində elan olunub.

Qeyd edək ki, onları 2022-ci ilin dekabrında saxlanılıblar.

İttihama görə, "İnteqral" QSC-nin məişət əşyalarının və texnikasının topdan satış kateqoriya üzrə meneceri Orxan Məmmədov 2019-cu ilin yanvar ayından başlayaraq QSC-nin məişət əşyalarının və texnikasının topdan satış şöbəsində sürücü-ekspeditor vəzifəsində işləyən Zaur Babayevlə əlbir olub malların satışından əldə olunan pulları cəmiyyətin xəzinəsinə ödəməyərək öz aralarında bölüblər.

Həmçinin ittihamda qeyd olunub ki, Orxan Məmmədov 2021-ci ilin yanvar ayından başlayaraq Zaur Babayevlə və əvvəllər tanıdığı QSC ilə ticarət əlaqələrində olan Murad Rəsulovla qabaqcadan əlbir olub.

Onlar ayrı-ayrı dilerlərdən sifariş kimi qəbul olunan və həmin dilerlərə çatdırılması təşkil edilməyərək malların Murad Rəsulovun vasitəsi ilə satışını həyata keçirərək satışdan əldə olunan pulları öz aralarında bölmək barədə razılığa gəliblər.

İttiham aktında həmçinin göstərilib ki, təqsirləndirilən Cəbrayıl Cəbrayılov "İnteqral" QSC-nin məişət əşyalarının və texnikasının topdan satış şöbəsində ekspeditor vəzifəsində çalışıb.

O, onunla birgə ekspeditor vəzifəsində işləyən Fuad Xəlilzadə və Cəmiyyətin məişət əşyalarının və texnikasının topdan satış şöbəsinin müdir müavini vəzifəsini icra edən Orxan Məmmədov ilə qabaqcadan əlbir olub malların satışından əldə olunan pulları şirkətin xəzinəsinə ödəməyərək öz aralarında bölmək barədə razılığa gəliblər.

Beləliklə, onlar ümumilikdə "İnteqral" QSC-nin 1 457 088 manat pulunu mənimsəməkdə təqdirləndiriliblər.

Orxan Məmmədov, Zaur Babayevə qarşı Cinayət Məcəlləsinin (CM) 179.4-cü (Mənimsəmə və ya israf etmə, xüsusilə külli miqdarda mənimsəmə) və 313-cü (vəzifə saxtakarlığı) maddələri ilə, Cəbrayıl Cəbrayılov, Fuad Xəlilzadə və Murad Rəsulova isə CM-nin 179.3.2-cü (külli miqdarda mənimsəmə) və 313-cü (vəzifə saxtakarlığı) maddələri ilə ittiham irəli sürülüb.

Həmçinin oxuyun

Pensiyalar 9,3 faiz indeksləşdirilərək artırılıb  —  RƏSMİ AÇIQLAMA

SON DƏQİQƏ! Milli Məclis mühüm qərarlar qəbul edib 

Azərbaycan Lideri Şuşadan hansı mesajları verib? — Mötəbər tədbirin incə MƏQAMLARI

Şuşa Media Forumunda Prezidentin yanında diqqətçəkən xanım kimdir? - FOTOLAR