Vida mərasimində Azərbaycana mesaj: 139-cu ayə ilə nəyə eyham vuruldu? 

“Bəziləri deyir ki, surə və ayələrin seçilməsi təsadüfdür. Lakin xüsusi olaraq seçildiyini deyənlər də var. Adətən, Qurani-Kərimdə yer alan ayələrin hamısını müəyyən mesajlar, alt mənalar var. Bu sirr deyil və hər kəsin bildiyi reallıqdır”.

Oxu24.com xəbər verir ki,bu sözləri “Yeni Sabah”a şərqşünas-yazar Kənan Rövşənoğlu deyib.

O, İranın mərhum Ali Rəhbəri Ayətullah Xameneinin vida mərasimində oxunan Quran ayələri ilə siyasi mesajlar verilməsi məsəsləsinə toxunub. 

Bir çox siyasi şərhçilər hər bir ölkəyə rəsmi Tehranın bu üsulla ismarış çatdırılmasına yəqinlik ifadə edib. Hazırda bu mövzu dünya mediasında və sosial şəbəkələrdə geniş müzakirə olunur.

Vida mərasimində Azərbaycanı Milli Məclisin sədri Sahibə Qafarovanın başçılıq etdiyi nümayəndə heyəti təmsil edib. Bu zaman Quranın “Ali İmran” surəsin 139-cu ayəsi oxunub: “Süstləşməyin və qəmgin olmayın, əgər möminsinizsə, üstün olacaqsınız”.

K.Rövşənoğlunun sözlərinə görə, vida mərasiminə qatılan ölkələrin hər biri İrana düşmən dövlət deyil:

“İslam Respublikası ilə siyasi düşmənçiliyi olan ölkələr bu mərasimə dəvət olunmamışdı. Mərasimə qatılan ölkələrin hamısı dost ölkələrdir. Buna görə də ayələrin seçimində mətbuatda yazılanlar qədər dərin məna olduğunu düşünmürəm.

Daha əvvəl də İslam Əməkdaşlıq Təşkilatı, yaxud Ərəb Ölkələri Liqasının iclaslarında da müxtəlif ayələrin oxunmasına şahidlik etmişik. Yəni belə bir ənənə çoxdan mövcuddur. Lakin ayə vasitəsi ilə kimisə təhqir etmə və ya gözdən salma məqsədinin olduğunu düşünmürəm”.

Şərqşünas yazar əlavə edib ki, Tehranla münasibətləri pis olan ölkələrin heç biri bu mərasimi dəvət edilməmişdi:

“Olsa bilsin hər bir ölkəyə elə ayələr seçilib ki, İranın həmin ölkələrlə münasibətlərini tərənnüm edir”.

Xatırladaq ki,Azərbaycan nümayəndə heyətinin tərkibinə Baş nazirin müavini Şahin Mustafayev, Milli Məclis sədrinin müavini Ziyafət Əsgərov, xarici işlər nazirinin müavini Samir Şərifov, Naxçıvan Muxtar Respublikasının Baş naziri Cabbar Musayev və digər rəsmilər olub.

Həmçinin oxuyun

SON DƏQİQƏ! Seyfəddin Rəhimov dünyasını dəyişib

Arzum bu halda azadlığa çıxa bilər - Vəkil açıqladı 

Vida mərasimində Azərbaycana mesaj: 139-cu ayə ilə nəyə eyham vuruldu? 

“Uzundərə" hədəfdədir: Erməni saxtakarlığı və elmi həqiqətlərin qarşıdurması — “Oxu24.com"un ARAŞDIRMASI