Bu ixtisas qrupu üzrə qəbul DAYANDIRILACAQ?— Ekspertdən AÇIQLAMA

CƏMİYYƏT

131

22.04.2026, 13:35

Ali təhsil müəssisələrinə qəbul imtahanlarının ikinci mərhələsi üçün qeydiyyat davam edərkən, ortaya çıxan statistik mənzərə təhsil sektorunda ciddi müzakirələrə yol açıb. Uzun illərdir liderliyi qoruyan III ixtisas qrupunun builki göstəricilərdə geriləməsi və I-II qruplara axının artması diqqət çəkir.

Oxu24.com xəbər verir ki, builki qeydiyyat prosesində ən çox müraciət I və II ixtisas qrupları üzrə qeydə alınıb. Humanitar və sosial elmləri əhatə edən III qrupa marağın azalması isə mütəxəssislər tərəfindən müxtəlif amillərlə izah olunur.

Təhsil eksperti Şəmsi Qoca mövzu ilə bağlı Oxu24.com-a açıqlamasında bu kəskin dəyişikliyin dörd əsas səbəbini və gələcəkdə yarada biləcəyi fəsadları qeyd edib.

Ekspertin fikrincə, abituriyentlərin texniki və iqtisadi sahələrə üstünlük verməsi təsadüfi deyil. Texnologiya, mühəndislik və İT sahələri hazırda həm ölkəmizdə, həm də dünyada ən yüksək gəlirli sahələrdir. Gənclər karyera zəmanəti üçün bu istiqamətlərə (I qrup) yönəlir.

Son illər I və II qruplarda ödənişsiz yerlərin sayının genişləndirilməsi bu qrupları daha cəlbedici edib.

Riyazi biliklərinə güvənən, lakin daha çevik iş imkanları axtaran bir çox gənc III qrup əvəzinə II qrupu (iqtisadiyyat və idarəetmə) seçir.

Həmçinin oxuyun

Bu ixtisas qrupu üzrə qəbul DAYANDIRILACAQ?— Ekspertdən AÇIQLAMA

İntensiv yağış,qar yağacaq — 23 aprellə bağlı XƏBƏRDARLIQ

Pensiyalardakı artım açıqlandı - RƏSMİ

Azərbaycanda internet bahalaşdı - Yeni qiymət

Bir çox humanitar peşələrin (tərcümə, kargüzarlıq və s.) gələcəkdə süni intellekt tərəfindən əvəzlənəcəyi ehtimalı abituriyentləri ehtiyatlı davranmağa vadar edir.

Şəmsi Qoca xəbərdarlıq edir ki, bu tendensiya gələcəkdə cəmiyyət üçün ciddi fəsadlar doğura bilər. O, humanitar sahələrdə rəqabətin zəifləməsinin müəllimlik, hüquq və sosiologiya kimi sahələrdə peşəkarlıq səviyyəsini aşağı salacağını vurğulayır:

"Ən güclü beyinlərin yalnız texniki sahələrə qaçması tarix, ədəbiyyat və dilçilik kimi cəmiyyətin intellektual sütunlarını zəiflədir. Eyni zamanda, hüquqşünaslıq üzrə savadlı kadrların azalması gələcəkdə idarəetmə sistemində ciddi boşluqlar yarada bilər".

Çimnaz Telmanqızı