"DİM abituriyentlərin başını qarışdırır, onları stressə salır" - Nə baş verir?

$\"DİM abituriyentlərin başını qarışdırır, onları stressə salır\" - Nə baş verir?$

CƏMİYYƏT

694

11.03.2026, 17:28

Dövlət İmtahan Mərkəzi 11-ci siniflərin buraxılış imtahanını keçirib. Nəticə göz qabağındadır. Abituriyentlərin böyük əksəriyyəti imtahanın çox çətin olduğunu iddia edirlər.

Oxu24.com xəbər verir ki, Milli Məclisin Elm və Təhsil Komitəsinin sabiq sədri Şahlar Əsgərov dəfələrlə həyəcan təbili çalırdı ki, universitetlər qəbul qapısını açıq, çıxış qapısını bağlı saxlamalı, gənclərə “yaşıl işıq” yandırmalı, amma mütəxəssis olmadan universiteti bitirməsini çətinləşdirməlidir. Dünya təcrübəsində bu metoddan geniş istifadə edilir və kifayət qədər uğurlu nəticələri var.

Bizdə isə sistem tamamilə fərqlidir. DİM faktiki olaraq abituriyentlərin başını qarışdırmaq, onları stress və həyəcan altında saxlamaqla məşğuldur. Valideynlər sosial statusundan asılı olmayaraq hər ay təhsilə yüzlərlə manat xərcləyir. Orta məktəblər isə universitetə hazırlaya bilmir və sadəcə dərsə gəlməyi tələb edirlər. Abituriyentlər günün böyük hissəsini repeditorların yanında keçirirlər.

Bu gün repeditorluq ölkədə ən gəlirli sahələrdən birinə çevrilib. Nəticədə təhsil bazar və pul oyunu kimi işləyir. Ayda 1000 manat qazanan ailə bunun yarısını repeditorlara yönəldir. Sosial bərabərsizlik artır, gənclərin potensialı itirilir və onların gələcəyinə balta vurulur. Utanmırsınız?

Universitetlər mütəxəssis yetişdirməli, yoxsa diplom paylamalıdır? Gənclərin gələcək perspektivləri hansı qiyməti daşıyır? Əslində, bu suallara bütün cəmiyyət cavab gözləyir və əgər bu geydirmə sistem dəyişməzsə, yüzlərlə istedadlı gənc sadəcə “imtahan stressi”nin qurbanına çevriləcək.

Həmçinin oxuyun