"Azərişıq" barəsində rəqabət qanunvericiliyinin pozulması ilə bağlı iş açılıb

$\"Azərişıq\" barəsində rəqabət qanunvericiliyinin pozulması ilə bağlı iş açılıb $

CƏMİYYƏT

10.03.2026, 13:59

Prezident yanında Antiinhisar və İstehlak Bazarına Nəzarət Dövlət Agentliyi vətəndaş müraciətləri əsasında "Azərişıq" ASC-də rəqabət qanunvericiliyinin pozulmasına dair iş qaldırıb.

Oxu24.com bu barədə Dövlət Agentliyinə istinadən xəbər verir.

Bildirilib ki, istehlakçıların elektrik enerjisi borclarına görə elektrik təchizatının qanunvericilikdə nəzərdə tutulmuş müddət gözlənilmədən dayandırılması ilə bağlı "Azərişıq" barədə aparılan araşdırma yekunlaşıb.

Müraciətlərdə qeyd olunub ki, istehlakçıların elektrik enerjisi üzrə borcu hesablandıqdan sonra qanunvericilikdə nəzərdə tutulmuş 1 aylıq müddət gözlənilmədən elektrik enerjisinin verilişi dayandırılır.

Həmçinin oxuyun

Bazarda bəzi qiymətlər QALXACAQ: İrandan gələn məhsullara qadağa qoyuldu

İmtahan sualları çətin olub — Təhsil eskperti də TƏSDİQLƏDİ

Nazirlər Kabinetindən YENİ QƏRAR: SİYAHIYA ƏLAVƏ EDİLDİ

Pensiyalarla bağlı ŞAD XƏBƏR

Araşdırmanın nəticələrinə əsasən, rəqabət qanunvericiliyinin pozulması halları və əlamətləri müəyyən edildiyi üçün təbii inhisar subyekti olan "Azərişıq" barəsində iş qaldırılıb.

Bundan əlavə, Agentliyə daxil olmuş vətəndaş müraciətləri əsasında qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı məsələlər də araşdırılır. Müraciətlərdə həmin obyektlərin elektrik şəbəkələrinin mühafizə zonasında yerləşməsi ilə əlaqədar "Azərişıq" tərəfindən mənfi rəylərin verilməsi ilə bağlı rəqabət qanunvericiliyinin pozulması ehtimalı göstərilir.

Hazırda bu məsələ üzrə araşdırma davam edir.