Fəqərə sürüşməsi (listez) zamanı düzgün müalicə metodları: Həkim-vertebroloq AÇIQLADI  

Müasir dövrdə onurğa problemləri və fəqərə xəstəlikləri əhali arasında ən çox rast gəlinən səhiyyə problemlərindən birinə çevrilib. Xüsusilə el arasında "fəqərə sürüşməsi" kimi tanınan listezlər xəstələrin həyat keyfiyyətinə ciddi şəkildə mənfi təsir göstərir. Fəqərəarası disk yırtıqlarından fərqli olaraq listez zamanı problemlər sərt toxuma ilə bağlı olduğu üçün müalicə prosesi daha mürəkkəb və vaxt tələb edəndir. Bir çox hallarda xəstələrin müxtəlif müalicə mərkəzlərinə müraciət etmələrinə baxmayaraq istənilən nəticəni ala bilməməsi dəhz düzgün prosedur və bucağın seçilməməsindən qaynaqlanır. Mütəxəssislər bildirirlər ki, sürüşmənin dərəcəsindən və hansı fəqərədə baş verməsindən asılı olaraq tətbiq edilən traksiya prosedurları yüksək effekt verə bilər. Mövzu ilə bağlı daha ətraflı məlumat almaq üçün Oxu24.com saytı həkim-vertebroloq Dr. Ruhel Qasımova müraciət edib.

Dr. Ruhel Qasımov saytımıza açıqlamasında bildirib ki, fəqərəarası disk yırtığı siniri müəyyən formada sıxırsa, listez sinirə daha fərqli təsir göstərir:

“Listez fəqərənin sürüşməsidir və fəqərəarası disk yırtığının müalicəsinə nisbətən listezin müalicəsi daha gec və çətin müalicəyə tabe olan bir prosesdir. Çünki disk yırtığında yumşaq toxuma ilə, listezlərdə isə fəqərə — sərt toxuma ilə işləyirsən”.

O qeyd edib ki, müalicədə ən önəmli məsələ odur ki, fəqərə sürüşübsə, orada qreydindən (dərəcəsindən) asılı olaraq — sürüşmənin 1-ci, 2-ci, 3-cü, 4-cü formasından və hansı fəqərənin (L1, L2, L3, L4, L5 və yaxud boyun/döş nahiyəsi) sürüşməsindən asılı olaraq tətbiq olunacaq prosedurlar fərqlənir. 

Həkimin sözlərinə görə, sürüşmədə traksiya prosedurlarından İstifadə olunur, lakin buradakı ən önəmli nüans traksiyanın verildiyi bucaqdır:

“Əgər traksiya düzgün bucaq altında verilərsə, çox gözəl nəticələr əldə olunur. Bir çox pasiyentlər müxtəlif mərkəzlərdə müalicə alsalar da effekt görmürlər, lakin prosedurlar düzgün tətbiq olunarsa, listezlərin müalicəsində çox müsbət nəticələr əldə etmək mümkündür”.

Həmçinin oxuyun

TƏCİLİ! Avtomobil aşaraq yanıb, ölən və xəsarət alan var

Coşqun və Ucalın ölümünün şok detalları:200-300 metr aralı olublar -VİDEO

Bu şəxslərə əmək pensiyası xüsusi qaydada təyin olunur – AÇIQLAMA 

Qadınların 55 yaşında pensiyaya çıxması ilə bağlı AÇIQLAMA