Mədə poliplərinə və bakteriyaya qarşı təbii çarə – Həkimdən tövsiyə  

Mədə-bağırsaq sistemində yaranan poliplər və həzm pozğunluqları müasir dövrdə ən çox rast gəlinən səhhət problemlərindən biridir. Qeyri-sağlam qidalanma, stres və bakterial infeksiyalar mədə selikli qişasında müxtəlif fəsadlara və eroziyalara yol açır. Zamanında qarşısı alınmayan bu cür narahatlıqlar gələcəkdə daha ciddi sağlamlıq problemləri ilə nəticələnə bilər. Bəs mədə-bağırsaq poliplərini və infeksiyaları təbii yollarla aradan qaldırmaq mümkündürmü? Mütəxəssislər fitoterapiya və bitki tərkibli məhlulların bu cür rahatsızlıqların müalicəsində böyük rol oynadığını bildirirlər

Oxu24.com xəbər verir ki, həkim-fitoterapevt Füzuli Hüseynov boğaz, mədə və bağırsaq poliplərindən, həmçinin eroziya və bakteriyalardan xilas olmağın təbii yollarını açıqlayıb.

Həkim Füzuli Hüseynov mədə poliplərindən əziyyət çəkənlər üçün xüsusi qarışım reseptini təqdim edib:

•Tərkibi: 500 qram təbii bal və 500 qram şüyüd şirəsi.

•Hazırlanması və istifadəsi: Bal ilə şüyüd şirəsi bir-birinə yaxşıca qarışdırılır. Alınan qarışıqdan gündə 3 dəfə, yeməkdən yarım saat əvvəl 2 xörək qaşığı götürülərək 1 stəkan suya əlavə olunur və içilir.

•Müalicə kursu: Bu qarışım bitdikdən sonra eyni qayda ilə bir dəfə də hazırlanaraq qəbul edilməlidir.

Həkim bildirir ki, əgər orqanizmdə Helicobacter Pylori bakteriyası varsa, sulu propolis məhlulundan istifadə etmək tövsiyə olunur:

•Sulu propolis: Fitoklublardan əldə edilən sulu propolis məhlulundan gündə 3 dəfə 1 çay qaşığı götürülüb yarım stəkan suya qarışdırılaraq içilməlidir (ümumilikdə 5 flakon istifadə olunur).

Mədədə Helicobacter Pylori bakteriyasının inkişafı nəticəsində yaranan eroziya ocaqlarını aradan qaldırmaq üçün isə çobanyastığı və gülümbahar dəmləməsi məsləhət görülür:

•Dəmləmənin hazırlanması: 3 stəkan qaynar suya 2 xörək qaşığı gülümbahar və 1 xörək qaşığı çobanyastığı əlavə edilərək dəmlənir.

•Qəbulu: Gündə 3 dəfə, yemekdən əvvəl 1 stəkan içilir.

Fitoterapevt Füzuli Hüseynov vurğulayıb ki, bu təbii müalicə kursunu 2 ay ardıcıl şəkildə tətbiq etdikdə mədə-bağırsaq sistemindəki poliplər, eroziya və infeksiyalar tamamilə aradan qalxır.

Həmçinin oxuyun

Əmək pensiyalarında və bu müavinətlərdə ARTIM OLACAQ - Deputat AÇIQLADI 

İcra başçısı üç qurumu birləşdirdi, yeni rəis təyin etdi - FOTO

Qaydalar TƏSDİQLƏNDİ: 1 sentyabr 2026-cı il tarixindən qüvvəyə minəcək

"Qaçqınkom" aylıq müavinətlə bağlı RƏSMİ AÇIQLAMA YAYDI