Xroniki burun tutulmasına DİQQƏT - Səbəb bəlli oldu

Mütəxəssislər xəbərdarlıq edirlər ki, uzun müddət davam edən burun tutulması heç də hər zaman mövsümi soyuqdəymə və ya allergiya ilə əlaqəli olmur. Bir çox insan nəfəs almaqda çətinlik çəkdiyi halda bunu adi hal kimi qəbul edir, burun damcılarından uzunmüddətli istifadə edir və problemin əsl səbəbini araşdırmır. Halbuki bu vəziyyət daha ciddi qulaq-burun-boğaz xəstəliklərinin əlaməti ola bilər.

Oxu24.com xəbər verir ki, həkimlərin sözlərinə görə, həftələrlə, hətta aylarla davam edən burun tutulmasının səbəbləri arasında burun çəpərinin əyriliyi, burun polipləri, xroniki sinusit, burun ətinin böyüməsi və digər LOR patologiyaları yer ala bilər. Bu problemlər yalnız nəfəs almağı çətinləşdirmir, həm də insanın ümumi həyat keyfiyyətinə mənfi təsir göstərir.Daimi burun tutulması olan şəxslərdə tez-tez baş ağrıları, üz nahiyəsində ağırlıq hissi, ağızdan nəfəsalma vərdişi, gecə xorultusu, yuxu pozğunluqları və gün ərzində yorğunluq kimi hallar müşahidə olunur. Xüsusilə gecə rahat nəfəs ala bilməmək yuxunun keyfiyyətini aşağı salır və nəticədə insan özünü gün boyu halsız və diqqətsiz hiss edir.

Həkimlər vurğulayırlar ki, burun damcılarından nəzarətsiz və uzun müddət istifadə etmək də əlavə problemlərə səbəb ola bilər. Çünki bəzi hallarda insan damcılardan asılı vəziyyətə düşür və dərman istifadə etmədən normal nəfəs ala bilmir. Bu isə problemin həll olunması deyil, sadəcə müvəqqəti gizlədilməsi deməkdir.Davamlı burun tutulması ilə qarşılaşan şəxslər özbaşına müalicə üsullarına üstünlük vermək əvəzinə vaxtında müayinədən keçməlidirlər. Müasir diaqnostik üsullar vasitəsilə problemin mənbəyi müəyyən edilə və uyğun müalicə planı seçilə bilər.

Həkimlər qeyd edirlər ki, rahat nəfəs almaq insan sağlamlığının əsas göstəricilərindən biridir. Buna görə də burun tutulmasını kiçik və əhəmiyyətsiz problem kimi qiymətləndirmək düzgün deyil. Əgər burun tutulması uzun müddətdir davam edirsə, nəfəs almaqda çətinlik yaradırsa və ya damcılardan asılılıq formalaşıbsa, mütləq LOR həkiminə müraciət etmək tövsiyə olunur. Vaxtında aparılan müayinə və düzgün müalicə həm sağlamlığın qorunmasına, həm də həyat keyfiyyətinin yüksəlməsinə kömək edir.

Nigar 

Həmçinin oxuyun

Milli Məclis mühüm qərar qəbul etdi:6 ay sonra qüvvəyə minir

Milli Məclis sürücülərlə bağlı qərar qəbul etdi

Milli Məclis müəllimlərlə bağlı qərar qəbul edib

Avqust ayında qeyri-iş günü nəzərdə tutulmayıb