Yuxu ilə bağlı  VACİB  MƏLUMAT: Qocalmanın da qarşısını alırmış 

Terapevt: "Melatonini alimlər indi kəşf edir, amma nənə-babalarımız 100 illər əvvəl bunu bilirdilər”

"Yuxu hormonu" olan melatonin insanlarda yaşla əlaqəli xəstəliklərin müalicəsində istifadə edilə bilər. 

Bu fakt Novosibirskdə alimlər tərəfindən aparılan təcrübə ilə təsdiqlənib.

Sitologiya və Genetika İnstitutunun alimləri təcrübə zamanı qocalma meylli siçovullara melatonin əsaslı preparat veriblər.

Bundan sonra heyvanlar daha yaxşı görməyə, məlumatı daha yaxşı xatırlamağa başladılar və təlim səviyyələri artdı.

Bu hormon "daxili saat"dan məsuldur. Yaşla bədəndə melatonin səviyyəsi azalır. Təcrübənin göstərdiyi kimi, süni şəkildə sintez edilmiş melatoninin inyeksiyası görmə itkisini əhəmiyyətli dərəcədə yavaşlatmaqla yanaşı, artıq retinopatiyanın aşkar əlamətləri olan siçanlarda görmə qabiliyyətini bərpa edir. 

Tanınmış terapevt Lətifə Mikayılova Oxu24.com-a bildirdi ki, bizim nənə -babalarımız  100 illər əvvəl yuxunun faydasını çözüblər.

Həmçinin oxuyun

General-mayor Novruzəli Orucovun oğlu keçmiş sevgilisini təhdid edir - İDDİA  

"Metirka"da ata adını dəyişmək olarmı?     —   Hüquqşünasdan AÇIQLAMA 

Rəqsanə yenidən həbs ediləcək? — Səidə  Bəkirqızı məhkəməyə verir 

DİN əməliyyat keçirib: Səfər Camalov HƏBS EDİLDİ

"Məsələn, yaşlı nəslin  verdiyi bir məsləhəti diqqətinizə çatdırım: Nənələrimiz deyirdi ki, rahat və yaxşı yuxu, yumşaq qarın (yatmağa hazırlaşarkən yemək yeməmək) və tərləmə (fiziki iş) — uzun ömrün şərtləridir. Yorğunluğumuzun çıxması üçün də yatmaq məsləhət olunur. Naxoşlayanda da,  hətta əsəbi, gərgin olanda da  yatmaq bir çarə kimi  tövsiyə edilib.O vaxt təbii ki, ulularımız heç  melatoninin nə olduğunu bilməyiblər amma yuxarıda sadaladığım  prosedurları təcrübələri nəticəsində  öyrəniblər. 

Amma tibb üzrə mütəxəsislər  çox sonralar  heç biri təhsili olmayan nənələrimizin  bilgilərini təsdiqləyiblər. Bəli,  təsdiq ediblər ki, yuxu    həm yorğun əzələləri bərpa edir, immunitet sistemini gücləndirir, həm də zehni olaraq  yaddaş və zehnimizin fəaliyyətini gücləndirir.

 Həkimlər nənələrimizdən 100 illər sonra bildirib ki,  yatmaq stressi azaldır və emosional balansı qoruyur. Kifayət qədər yuxu almayan adam yuxusuzluq narahatlıq və depressiya yaşayır. 

Bayaq söylədim ki, naxoşlayanda da nənələr yatmağı məsləhət görüblər. Niyə? Çünki  alimlər araşdırıb görüblər ki,  yuxu ürək sağlamlığı, maddələr mübadiləsinin tənzimlənməsi, çəkiyə nəzarət və hormon balansı fiziki sağlamlıq baxımından əsl loğmandır. Vaxtından əvvəl qocalmaq , xəstə düşmək istəməyən hər kəs normal yuxusuna,  bədəni tələb edən yatmaq limitinə  riayət etməlidir ”- deyə Lətifə Mikayılova vurğulayıb. 

Əntiqə Rəşid