Acarıstan-Azərbaycan əlaqələri genişlənir: Politoloq regional əməkdaşlığın perspektivlərini AÇIQLADI  

Azərbaycan ilə Gürcüstanın muxtar respublikası olan Acarıstan arasında iqtisadi, turizm və humanitar sahələrdə əməkdaşlığın dərinləşdirilməsi üçün geniş potensial mövcuddur. Acarıstan hökumətinin rəhbərinin Azərbaycanla əlaqələrə xüsusi önəm verməsi iki ölkə arasındakı strateji tərəfdaşlığın əhəmiyyətini bir daha nümayiş etdirir. Bəs bu əlaqələr regionda hansı yeni reallıqlar yaradır və Cənubi Qafqazdakı güc balansına necə təsir göstərir?

Mövzu ilə bağlı politoloq Məhəmməd Əsədullazadə Oxu24.com-a açıqlamasında bildirib ki, Acarıstan Gürcüstanın tərkibində muxtar respublikadır və Azərbaycan birbaşa Gürcüstanda onun subyektləri ilə də iqtisadi, turizm, humanitar, mədəni şəkildə əlaqələr inkişaf etdirir. Bu müstəvidə də Azərbaycan Acarıstanla əlaqələrini inkişaf etdirəcək.

Onun sözlərinə görə, bütövlükdə bu, Azərbaycanın Cənubi Qafqazda əsas güc sahibi olduğunu göstərir, çünki Azərbaycan regionda yeni bir geosiyasət nizam yaradıb və orta gücdür, bu prosesləri də idarə edir:

“Ona görə də təkcə Gürcüstan hökuməti ilə deyil, onun subyekti olan Acarıstanla da əlaqələr qurulur; mədəni şəkildə, iqtisadi və turizm istiqamətində əməkdaşlıq gücləndirilir”.

Politoloq qeyd edib ki, Azərbaycanla Batumi arasında sıx gediş-gəliş mövcuddur, həmçinin orada oxuyan azərbaycanlı tələbələr və investisiya qoyan Azərbaycan vətəndaşları var:

“Acarıstan da Gürcüstanın inkişaf etmiş əsas regionlarından biridir və bu müstəvidə Azərbaycanın buraya diqqət ayırması xüsusi əhəmiyyət kəsb edir.

Düşünürəm ki, bundan sonra da bu əlaqələri inkişaf etdirmək üçün geniş potensial var və Azərbaycan üzərinə düşən öhdəlikləri həyata keçirməkdədir”.

“Acarıstan da getdikcə inkişaf edir; onun böyük turizm imkanları, investisiya mühiti və iqtisadi imkanları Azərbaycanın da bu müstəvidə Gürcüstana, xüsusilə Acarıstana diqqət ayırmasına gətirib çıxarır”,- deyə Məhəmməd Əsədullazadə əlavə edib. 

Çimnaz Telmanqızı

Həmçinin oxuyun

Azərbaycanda koronavirus  təhlükəsi varmı? - HƏKİM DANIŞIR

Trampın Əliyevi  ABŞ-yə dəvəti Azərbaycana nə verəcək?  —  SİYASİ ŞƏRH

Azərbaycan milyonlarla gəlir qazanacaq - AÇIQLAMA

 Elm və Təhsil Nazirliyi yeni təyinatla bağlı MƏLUMAT YAYDI