Sara Safuradan açıqlama: "Həmin videoda Bərdəni nəzərdə tutmamışam"  

Bir neçə gündür ki,sosial şəbəkələrdə jurnalist Sara Safuranın işlətdiyi ifadələr müzakirə olunur.

Oxu24.com xəbər verir ki,söhbət jurnalistin Bərdə rayonundan olan kişi ilə qarşılaşdığı zaman istifadə etdiyi ifadələr olub.

"Bərdə adı gələndə kişilərə şübhə ilə baxırıq,inciməyin məndən.Bərdənin qeyrətli kişilərindən və qadınlarından üzr istəyirəm...İlk dəfədir ki,əzilib-büzülməyən  kişi görürdüm.Saçı səliqəli daranmış,səliqəli geyimdə kişi görürdüm..." Qeyd olunan bu ifadələr sosial şəbəkələrdə birmənalı qarşılanmayıb.

Sosial şəbəkə istifadəçiləri Sara Safuranın bu ifadəsi ilə bir qrup insanı təhqir etdiyini iddia edərək ona qarşı çıxışlar ediblər.

Həmçinin oxuyun

DİN əməliyyat keçirib: 260 nəfər SAXLANILIB

Bu kənddə uşaqlar dərsə atla gedirlər — Sinifləri bağlanıb,yolları da yoxdur (VİDEO)

Azərbaycan incəsənətinə ağır itki ÜZ VERİB: Məşhur siyasi xadimin qızı dünyasını dəyişdi  

Güclü leysan,ardınca qar yağacaq    —   ƏHALİYƏ XƏBƏRDARLIQ 

Oxu24.com məsələyə aydınlıq gətirmək üçün jurnalist Sara Safura ilə əlaqə saxlayıb.O,saytımıza açıqlamasında əslində fikrinin düzgün başa düşülmədiyini və bu ifadələri işlədərkən  məhz Bərdədən olan  kişiləri  nəzərdə tutmadığını bildirib.

"Qeyd olunan video düzgün anlaşılmayıb.Mən demək istəyirdim ki,son günlər əzilib-büzülməyən kişi ilə  qarşılaşmadığım üçün təəccüb etdim.Özünüz bu cəmiyyətdə yaşayırsınız.Görürsünüz ki,ətrafımızda nələr baş verir.Mən bu ifadəni işlədərkən Bərdəni yox,ümumi  mənzərəni nəzərdə tutmuşam. Videodan göründüyü kimi əvvəlcədən  qeyrətli  qadınlardan və kişilərdən üzr istəmişəm.Mənim Bərdə ilə heç bir problemim,yaxud tanışlığım yoxdur.Sadəcə fikirlərim düzgün başa düşülməyib.Mən bir daha buradan həmin ifadəni işlətdiyim üçün üzr istəyirəm.Mənə yazırlar ki,bu kimdir.Heç bunu tanımırıq. Onu yazanlara xatırladım ki, mənim əmək kitabçamda AzTv-nin möhürü var.Mətbuata da oradan gəlmişəm.",-deyə jurnalist qeyd edib.

Sara Safuranın qarşılaşdığı kişi ilə münasibət qurmaq istəməsi iddialarına da da  jurnalist  münbasibət  bildirib.

"Mənim yoldaşım ankoloji xəstəlikdən illər öncə vəfat edib. Özü də sevdiyim bir şəxs olub. Bu yaşda mənim sevən vaxtımdır?Mən sadəcə olaraq belə bir səliqəli,yaraşıqlı kişi ilə qarşılaşdığımı qeyd etdim.Həmin kişi Göyçaydan,Ucardan,Şabrandan və s. yerdən olsaydı belə eyni sözləri deyəcəkdim.Sadəcə  sözlərim düzgün başa düşülməyib...Bu gün məni ölümlə təhdid edirlər.Səhifələr açırlar..Mən nə etmişəm ki? Bir neçə saniyəlik  videoya  görə məsələnin bu qədər şişiridlməsi doğru deyil",-deyə  Sara Safura açıqlamasında  qeyd  edib.

Miri Məcidli