Dənizdə çimərkən yoxa çıxan baş nazir KİMDİR? - MARAQLI FAKT +FOTO

MARAQLI

3043

17.03.2026, 21:59

Avstraliya baş nazirinin sirli yoxa çıxması: Harold Holt hadisəsi

1967-ci il dekabrın 17-də Harold Holt ilə bağlı baş verən hadisə bu gün də Avstraliya tarixinin ən böyük sirlərindən biri hesab olunur.

Oxu24.com xəbər verir ki,həmin gün baş nazir Melburn yaxınlığında yerləşən Cheviot Beach sahilinə dostları ilə birlikdə istirahətə gedib. Güclü üzgüçü kimi tanınan Holt, dənizin dalğalı və təhlükəli olmasına baxmayaraq, xəbərdarlıqlara məhəl qoymadan suya daxil olub.

Şahidlərin sözlərinə görə, o, bir neçə dəqiqə üzdükdən sonra güclü dalğaların arasında gözdən itib və bir daha suyun üzünə çıxmayıb.

Hadisədən dərhal sonra ölkə tarixində ən genişmiqyaslı axtarış-xilasetmə əməliyyatlarından biri başladılıb. Hərbi dəniz qüvvələri, hava qüvvələri və yüzlərlə könüllü günlərlə axtarış aparsa da, nə Holtun cəsədi, nə də ona aid hər hansı iz tapılıb.

Rəsmi versiyaya görə, baş nazirin boğularaq həlak olduğu ehtimal edilir və cəsədin güclü axınlarla okeana aparıldığı düşünülür. Lakin hadisə ətrafında müxtəlif fərziyyələr də irəli sürülüb. Bəzi iddialara görə, Holt xarici kəşfiyyatla əlaqədə olub və sualtı qayıq vasitəsilə qaçırılıb. Digər versiyalarda isə onun intihar etdiyi ehtimalı səsləndirilir.

Aradan uzun illər keçməsinə baxmayaraq, Harold Holtin yoxa çıxması hələ də tam aydınlaşdırılmayıb və bu hadisə Avstraliya folklorunun ən müəmmalı səhifələrindən biri kimi qalmaqdadır.

Hazırladı: Turan

Həmçinin oxuyun