“Qarabağ”ın haqqı yeyildi, yoxsa hakim düzgün qərar verdi? – Azərbaycan futbolunda QALMAQAL  

Azərbaycan kubokunun yarımfinal mərhələsinin cavab qarşılaşmasında “Sabah” öz meydanında “Qarabağ”ı 2:1 hesabı ilə məğlub edərək tarixində ikinci dəfə finala yüksəlib. Həlledici oyunda “Zirə” ilə qarşılaşacaq “Sabah”ın bu qələbəsi və matçın idarəçiliyi ətrafında mübahisələr səngimək bilmir.

Xüsusilə oyunun son dəqiqələrində Kamilo Duranın zərbəsindən sonra topun Velko Simiçin əlinə dəyməsi və baş hakim Rəvan Həmzəzadənin penalti qərarı verməməsi gərginliyi pik həddə çatdırıb. Matçdan sonra “Qarabağ”ın yarımmüdafiəçisi Marko Yankoviç kəskin etirazlarına görə qırmızı vərəqə ilə cəzalandırılıb.

Mövzu ilə bağlı tanınmış futbol jurnalisti Elçin Cəfərov  Oxu24.com-a xüsusi şərh verərək, hakimlik fəaliyyətini və mübahisəli epizodları dəyərləndirib.

Elçin Cəfərov son dəqiqələrdəki səs-küylü penalti epizodu ilə bağlı hakimin qərarını belə şərh edib:

"Penalti epizoduna gəldikdə, UEFA tərəfindən ölkələrin Hakimlər Komitəsinə verilən son təlimatlar və təkmilləşdirilmiş qaydalar var. Həmin epizodda müdafiəçinin əli açıq olsa da, məsafə çox yaxın idi. Belə yaxın məsafədən gələn toplarda hakimin penalti təyin etməməsi tamamilə doğru qərar idi”.

O qeyd edib ki, “Qarabağ”lı futbolçuların kəskin etirazı daha çox oyunun ümumi gərginliyindən qaynaqlanırdı, lakin texniki baxımdan penalti yox idi.

Penalti epizodunda hakimi müdafiə etsə də, E. Cəfərov qapıçı Mateuş Koxalskiyə verilən qırmızı vərəqənin yanlış olduğunu vurğulayıb:

“Türkiyəli FİFA referisi Dəniz Atəş Bitnelin də rəyinə əsasən, həmin epizod qırmızı deyil, sarı vərəqə ilə qiymətləndirilməli idi”.

Rəvan Həmzəzadənin və xüsusilə VAR otağında əyləşənlərin bu məqamda böyük səhvə yol verdiyi bildirilib.

Jurnalist bildirib ki, hakim qərarları bu mövsüm futbolun keyfiyyətini kölgədə qoyur:

“Təəssüf ki, bu hakim qrupu ilə Biləcəridən o tərəfə getmək mümkün deyil. Azərbaycan hakimliyində inqilab effekti yaradan ciddi dəyişikliklər olmalıdır”.

Çimnaz Telmanqızı

Həmçinin oxuyun

TƏCİLİ! Prezident onların səlahiyyətini artırdı — FƏRMAN

Prezident mühüm Fərman İMZALADI: Sentyabrın 1-dən qüvvəyə minir

SON DƏQİQƏ!Məhkəmə Afət Fərmanqızı barədə QƏRAR VERDİ  

Azərbaycanda bu qadağan edilir? — Ekpertlər detalları AÇIQLADI