Əsgərliyə hazırlaşanlara mühüm XƏBƏR:Ekspert detalları AÇIQLADI

Azərbaycanda hərbi xidmətdən boyun qaçıranları hansı cəzalar gözləyir? – Təfərrüat

Azərbaycanda müddətli həqiqi hərbi xidmətə çağırışdan yayınma hallarının qarşısının daha effektiv şəkildə alınması məqsədilə qanunvericiliyə mühüm dəyişikliklər edilib.

2024-cü il 27 dekabr tarixində qəbul olunan qanuna əsasən, ölkənin bir sıra normativ hüquqi aktlarında – o cümlədən Cinayət, Miqrasiya və İnzibati Xətalar məcəllələrində, eləcə də “Azərbaycan Respublikasında səfərbərlik hazırlığı və səfərbərlik haqqında” və “Hərbi vəzifə və hərbi xidmət haqqında” qanunlarda dəyişikliklər həyata keçirilib.

Səfərbərlik və Hərbi Xidmətə Çağırış üzrə Dövlət Xidmətinin yaydığı məlumata görə, edilən dəyişikliklərə əsasən Cinayət Məcəlləsində “çağırışdan boyun qaçırma” anlayışı dəqiqləşdirilib. Belə ki, vətəndaşların üzrlü səbəb olmadan tibbi müayinəyə (şəhadətləndirməyə), müddətli həqiqi hərbi xidmətə, toplanışlara və səfərbərlik üzrə çağırışa gəlməməsi bu anlayışa daxil edilib.

Bununla yanaşı, Miqrasiya Məcəlləsinə edilən dəyişikliklərə əsasən, müddətli həqiqi hərbi xidmətə və ya səfərbərlik üzrə hərbi xidmətə çağırışdan boyun qaçıran şəxslərin ölkədən çıxış hüququ, barələrində çağırış üzrə qərar qəbul edilənədək müvəqqəti olaraq məhdudlaşdırılacaq.

Qanunvericiliyə edilən bu yeniliklər çağırış prosesinə nəzarətin gücləndirilməsi və vətəndaşların hərbi vəzifələrinin icrasının təmin olunmasına xidmət edir.

Məsələ ilə bağlı hərbi ekspert Ədalət Verdiyev Oxu24.com-a açıqlama verib.

Həmçinin oxuyun

Ölkənin bir nömrəli innovasiya qurumunda qarışıqlıq: Kamran Ağayev də getdi - Nə baş verir? 

MSK-nın sədri SEÇİLDİ -TƏCİLİ

Prezident son qəbulları niyə Qəbələdə keçirir? 

Dövlət Tibbi-Sosial Ekspertiza və Reabilitasiya Agentliyi məhkəməyə verildi — DETALLAR  

"Dövlətin vətəndaş qarşısında vəzifələri olduğu kimi, vətəndaşlarımızın da dövlət qarşısında müəyyən vəzifələri vardır. Kişi cinsindən olan vətəndaşlarımızın da ən mühüm və müqəddəs vəzifələrindən biri vətən qarşısında hərbi xidmət borcunu verməkdən ibarətdir.Edilən bu dəyişikliklər çağırışdan boyun qaçıran şəxslərin məsuliyyətə cəlb edilməsindən ibarətdir.

Azərbaycan kifayət qədər həssas bir bölgədə yerləşir. Ətrafımızda kifayət qədər münaqişələr və müharibələr olduğu bir halda, hər bir vətəndaş Səfərbərlik və Hərbi Xidmətə Çağırış şöbələrindən dəvət aldığı saatda həmin şöbələrə getməli, müayinələrdən keçməli, çağırışda və ya hərbi toplanışlarda iştirak etməlidir. Təbii ki, çağırışdan yayınma halları ordumuzun döyüş hazırlığına mənfi təsir edə bilər. Bu həm komplektləşdirmə faizini aşağı sala bilər, həm də Silahlı Qüvvələrimizin tərkibində olan bölmələrin döyüş hazırlığına mənfi təsir edə bilər. 

Sistemdə zəif nöqtələr yox idi. Sadəcə vətəndaşların məsuliyyətini artırmaq üçün belə bir addım atılıb. Çünki istənilən halda az sayda da olsa vətəndaşlar tapılırdı ki, qanunda mövcud olan sadə belə deyək, vətəndaşa qarşı yumşaq yanaşmalardan sui-istifadə edib çağırışdan müəyyən bəhanələrlə yayınmağa çalışırdılar. Hazırda bu dəyişiklik artıq onların məsuliyyətini bir qədər də artıracaq”.

Çimnaz Telmanqızı