ABŞ-ın yeni planı açıqlandı: Tramp İrana belə hücum edəcək

ABŞ-İran münasibətlərində gərginlik davam edərkən, Vaşinqtonun Tehrana qarşı yeni iqtisadi təzyiq siyasəti tətbiq etdiyi iddia olunur.

Oxu24.com xəbər verir ki, İran-Çin Ticarət Palatasının rəhbəri Məcid Rza Həriri ABŞ-ın uzun illər ərzində tətbiq etdiyi iqtisadi sanksiyaların İran iqtisadiyyatına ciddi zərər vurduğunu, lakin Vaşinqtonun siyasi məqsədlərinə nail ola bilmədiyini bildirib.

Həririnin sözlərinə görə, ABŞ əvvəlcə iqtisadi sanksiyalarla İrana təzyiq göstərib, daha sonra hərbi üsullara əl atıb, indi isə yenidən iqtisadi təzyiq siyasətinə qayıdıb. O, hazırkı mərhələdə fərqli sanksiya və iqtisadi mühasirə mexanizmlərindən istifadə edildiyini iddia edib.

İranlı ekspert yeni iqtisadi təzyiqlərin yalnız ölkə iqtisadiyyatına deyil, cəmiyyətə də təsir göstərə biləcəyini bildirib. Onun fikrincə, ABŞ-ın məqsədi insanların həyat şəraitini çətinləşdirməklə xalqla hökumət arasındakı uçurumu artırmaq və cəmiyyət daxilindəki sosial parçalanmaları dərinləşdirməkdir.

Həriri xüsusilə sosial mediada dünyəvi və dini qruplar arasında qarşıdurmanı artıran məzmunların çoxalmasına diqqət çəkib. O, hicab məsələsinin yenidən sosial münaqişənin əsas mövzularından birinə çevrilməsinin təhlükəli olduğunu deyib.

Ekspertin fikrincə, bu cür qarşıdurmaların qarşısı alınmasa, cəmiyyətdəki parçalanma uzunmüddətli xarakter ala bilər.

Həriri İranın iqtisadi vəziyyətini Kuba ilə müqayisə edən yanaşmaları da qəbul etməyib. O bildirib ki, İran geniş coğrafiyaya, çoxsaylı qonşu ölkələrə və müxtəlif iqtisadi tərəfdaşlara malikdir. Ekspert həmçinin ölkənin əhəmiyyətli istehsal imkanlarının olduğunu və ildə təxminən 125 milyon ton kənd təsərrüfatı məhsulu istehsal etdiyini qeyd edib.

Bununla belə, Həriri sanksiyaların İran əhalisinə təsirini də etiraf edib. O bildirib ki, ölkədə insanların ciddi iqtisadi problemləri var və bu vəziyyəti nəzərə almamaq mümkün deyil.

Həririnin sözlərinə görə, hazırda tərəflər bir növ “dözümlülük yarışındadır” və nəticədə daha çox dözümlülük göstərə bilən tərəf üstünlük əldə edəcək.

Həmçinin oxuyun

Masaj salonunda əməliyyat: Xeyli sayda fahişə tutuldu

SENSASİYA! Mehdiyevi həmin ermənilərlə nə birləşdirir - Elə faktlar açıldı ki...

Əhalinin nəzərinə: Gecikənlər əlavə pul ödəyəcək

20 sentyabrda bizi nələr gözləyir?  — Ulduz falı