"Tehrana hücum an məsələsidir" - ABŞ və İsrail təcili HƏRƏKƏTƏ KEÇDİ

Yaxın Şərqdə müharibə təhlükəsi yenidən gündəmin mərkəzinə çıxıb. İranın “bütün region müharibəyə cəlb olunacaq” xəbərdarlığı ABŞ və İsrailin Tehrana qarşı hərbi hazırlıqları fonunda ciddi narahatlıq doğurur.

Maraqlıdır, belə bir qarşıdurma halında regionda hansı ölkələr birbaşa risk altına düşə bilər?

 Oxu24.com xəbər verir ki  mövzu ilə bağlı KONKRET.az-a açıqlamasında politoloq Məhəmməd Əsədullazadə bildirib ki, ABŞ və İsrailin İrana qarşı müharibəyə hazırlaşdığı artıq gizli deyil və Tehrana hücum an məsələsi kimi qiymətləndirilir. Onun sözlərinə görə, İran da məhz bu səbəbdən xəbərdarlıq edir ki, mümkün hücum regionu genişmiqyaslı müharibəyə sürükləyəcək.

Məhəmməd Əsədullazadə

Həmçinin oxuyun

Səsi nazik çıxan oğlan uşaqları ilə bağlı həkimdən XƏBƏRDARLIQ 

Bu aylarda məzuniyyətə çıxmayın,pulunuz KƏSİLƏCƏK   —   MÜTƏXƏSSİSDƏN VACİB AÇIQLAMA 

İran mediasının Azərbaycanla bağlı paylaşdığı bu xəbər ŞOK EFFEKTİ YARATDI   —   Siyasi şərhçidən AÇIQLAMA 

Azərbaycan incəsənətinə ağır itki ÜZ VERİB

Politoloq qeyd edib ki, İranın ritorikasında region ölkələrinə açıq mesajlar var:

“İran bəyan edir ki, belə bir qarşıdurma olacağı təqdirdə Səudiyyə Ərəbistanı, Birləşmiş Ərəb Əmirlikləri və Qətərdə yerləşən ABŞ hərbi bazaları hədəf alınacaq. Eyni zamanda Fars körfəzində hərbi əməliyyatlar aparılacağı və neft daşımalarının qarşısının alınacağı vurğulanır. Bu isə qlobal enerji təhlükəsizliyi üçün ciddi risklər yaradır”.

Əsədullazadə İranın regionda ABŞ-a məxsus bazalara hücum etmək potensialına malik olduğunu və hazırkı mərhələdə rejimin getdikcə daha aqressiv mövqe tutduğunu bildirib. Onun fikrincə, Tehran bu mesajlarla region ölkələrini ABŞ-ın İrana müdaxiləsinin qarşısını almağa təşviq etməyə çalışır:

“Əvvəllər Türkiyə, Birləşmiş Ərəb Əmirlikləri, Qətər və Oman müəyyən mərhələlərdə gərginliyin azaldılması üçün vasitəçilik etməyə çalışsalar da, İranın ABŞ-la nüvə sazişinə getməməsi, şərtlərə əməl etməməsi və daxildə repressiv addımlar atması vəziyyəti daha da ağırlaşdırır. Artıq ABŞ üçün İranda rejim dəyişikliyi strateji plan səviyyəsinə keçib. Bu isə regionu ciddi təhlükə qarşısında qoyur”, – deyə o vurğulayıb.

Ekspertin sözlərinə görə, İranın açıqlamaları fonunda Yaxın Şərqdə gərginliyin daha da artması və bir sıra ölkələrin birbaşa risk altına düşməsi ehtimalı yüksək olaraq qalır.