Sosioloq:"Gənc nəsilin eqosu, öz kef və əyləncəsini düşünməsi nigah sayını azaldır"   

Bu günlərdə Dövlət Statistika Komitəsi məlumat yayıb ki, ötən il ərzində Ədliyyə Nazirliyinin rayon (şəhər) qeydiyyat şöbələri tərəfindən 44 min 996 nikah və 18 min 832 boşanma halları qeydə alınıb.Bildirilib ki, ötən ilin müvafiq dövrü ilə müqayisədə əhalinin hər 1 000 nəfərinə nikahların sayı 4,9-dan 4,8-ə, boşanmaların sayı isə 2,1-dən 2-yə düşüb.

Boşanmaların Azərbaycanda rekord  çatmasnın səbəbləri ilə bağlı tanınmış sosioloq Elçin Bayramlı  Oxu24.com-a danışıb. 

O bildirib ki, son dövrlərdə  bu tendensiya tək Azərbaycanda deyil, bütün dünyada sürətlə genişlənir.Dünya ölkələrində də  boşanmaların artması əslində yeni dövrün yeni əsrin reallığıdır.

 Sosioloq sosial bəlaların, müxtəlif pis vərdişlərin   nikahların azalmasında, boşanmaların  sürətlə artmasında  böyük təsiri var:

Həmçinin oxuyun

Sosial müavinətlərlə bağlı YENİLİK - Mayın 1-dən... 

Fitrəni bayramdan bir gün qabaq da vermək olar —  Fitrə ilə bağlı SUALLARA CAVAB 

Elçin Quliyev ƏMR İMZALADI 

Prezidentin barəsində fərman imzaladığı nazirlikdə hazırda kimlər MÜAVİNDİR? — SİYAHI

"Bununla bağlı bir çox ölkələr  müxtəlif  təyinatlı sosial dəstək layihələri həyata keçirir. Bura evliliklərin  təşviqi daxildir, mənəvi-psixoloji təbliğat, ailə dəyərlərinin təbliğ olunması, ikinci tərəfdən də, sosial – iqtisadi dəstək paketləri . Yəni yeni ailə quranlara  xüsusi dövlət yardımları, uşaq pulu formasında , çoxuşaqlılığa görə ödənişlər ,müxtəlif güzəştlər olmalıdır. Ailəli şəxslərin işlə bağlı  müraciətlərinə əsasən, onların  müxtəlif sahələrdə işlə təmin olunması, mənzil alınmasına kömək və ya  güzəştli yardım  da bu paketlərə daxil olmalıdır.

 Bir də var, maddi cəhətdən problemi olmayan gənclərin evlənmək istəməməsi, şüurun, psixologiyanın mənfi istiqamətdə dəyişməsini gerçəkləşdirir. Gənc nəsil eqoistləşib, ancaq öz həyatını , kef və əyləncəsini düşünür. Yüngül həyat tərzi, onların ailə məsuliyyətinin , ailə dəyərlərinin   deqredasiyaya uğradığını ortaya qoyur.  Bu da    nigahların azalmasına bir səbəbdir.  Problemin qarşısını almaq üçün həm dövlət, həm də cəmiyyət mübarizə aparmalıdır. 

 Sadaladığımız hər iki istiqamətdə  gənclərə , gənc ailələrə də dəstək olmaq lazımdır. İstər mənəvi, istər maddi yöndən,  bu çox vacibdir. 

Artıq bizim ölkəmizdə də bu  yöndə işlər görülməyə başlayıb, tendensiya başlayıb.  Yaxşı olar ki, böyük bir dövlət proqramı hazırlansın,  mənəvi dəyərlərin təbliği bu proqramlarda öz yerini tutsun. Çünki, mənəvi dəyərlər  üzərində qurulan ailələrda bağlar möhkəm olur,  belə ailələrdə 1 deyil,  bir neçə  uşağa üstünlük vermə tendensiyası da genişlənə bilər”- deyə sosioloq vurğulayıb. 

Əntiqə Rəşid