Qaynar xətt:

(+99450) 247 90 86

SENSASSİYA! Putin yeni müharibəyə hazırlaşır: Kəşfiyyat məlumat əldə edib 

DÜNYA

2400

22.07.2025, 14:28

Rusiya genişmiqyaslı müharibəyə hazırlaşır və 2036-cı ilə qədər yenidən silahlanmaya təxminən 1,1 trilyon ABŞ dolları xərcləmək niyyətindədir.

Oxu24.com  xəbər  verir   ki, bunu Ukrayna Müdafiə Nazirliyinin Baş Kəşfiyyat İdarəsinin rəisi, general-leytenant Kirill Budanov deyib.

Budanovun sözlərinə görə, bu, Rusiyada Sovet İttifaqının dağılmasından sonra həyata keçirilən ən böyük silahlanma proqramı olacaq.

"Gələcək genişmiqyaslı müharibəyə hazırlaşmaq üçün Rusiya Federasiyasının siyasətinin, iqtisadiyyatının və cəmiyyətinin ümumi səfərbərliyi var", deyə rəsmi şəxs bildirib.

Budanov xatırladıb ki, Rusiyada aparılan hərbi islahatlar çərçivəsində artıq iki yeni hərbi dairə - Moskva və Leninqrad yaradılıb, yeni diviziya, birləşmə və hərbi hissələrin formalaşdırılması da nəzərdə tutulub.

O, həmçinin vurğulayıb ki, Rusiya mövcud qlobal təhlükəsizliyi və iqtisadi nizamı məhv etməyə çalışır. Onun sözlərinə görə, Kreml Afrikada hərbi mövcudluğunu artırır - ilk növbədə Vaqner PMC və Afrika Korpusunun köməyi ilə, həmçinin bütün dünyada avtoritar rejimləri və terror təşkilatlarını dəstəkləyir.

Bundan əlavə, Rusiya hibrid alətlərdən fəal şəkildə istifadə edir - idarə olunan media və siyasətçilərdən istifadə edərək digər ölkələrdə informasiya və kiber əməliyyatlar aparır.

Bundan əvvəl Bloomberg agentliyinə müsahibəsində Budanov Ukraynada tezliklə atəşkəsin vacibliyini vurğulamış və bunun yalnız üç tərəfin: Ukrayna, Rusiya və ABŞ-ın iştirakı ilə mümkün olduğunu bildirmişdi.

Bu arada Qərb nəşrləri qeyd edir ki, Rusiya prezidenti Vladimir Putin, görünür, Donald Trampın ultimatumunu ciddi qəbul etmir və bütün diqqətini müharibədəki məqsədlərinə çatmağa yönəldir.

Miri