Şəxs məcburi nikahda saxlanıla bilərmi? — Vəkildən AÇIQLAMA  

Azərbaycan qanunvericiliyinə əsasən, nikah kişi ilə qadının ailə qurmaq məqsədilə bağladığı könüllü ittifaqıdır və burada əsas prinsip tərəflərin azad iradəsidir. Boşanmaq istəyən şəxsin iradəsinə zidd olaraq onu məcburi şəkildə nikahda saxlamaq hüquqən mümkün deyildir.

Qadınlar istənilən vaxt ərə qarşı nikahın pozulması barədə məhkəmədə iddia qaldıra bildikləri halda, kişilərin bu hüququ müəyyən hallarda məhdudlaşdırılır. Belə ki, arvadın hamiləliyi dövründə və uşağın doğulmasından sonra bir il müddətində qadının razılığı olmadan ər nikahın pozulması tələbi ilə məhkəməyə müraciət edə bilməz. Bu müstəsna hal nəzərə alınmazsa, tərəflərdən biri boşanmaqda israrlıdırsa, məhkəmə heç kimi zorla nikahda saxlamır. Yəni ailə daxilində könüllülük prinsipi pozulduqda, qarşı tərəfin istəyi ilə nikahın məcburi davam etdirilməsi qanunla yolverilməzdir.

Bu barədə məsələni Oxu24.com-a vəkil Turan Abdullazadə şərh edib.

Vəkil bildirib ki, qonşu ölkələrdə və ya başqa dövlətlərdə bu cür qaydalar ola bilər. Ama Azərbaycan Respublikasında məsələyə münasibətdə belə bir qayda yoxdur. Qadın hamiləlik dövründə və ya uşağın doğulmasından sonra bir müddət müddətində arvadın razılığı olmadan ər nikahın boşanması barədə iddia qaldıra bilməz.

T.Abdullazadə qeyd edib ki, hamiləlik məsələsinin bu tərəfinə baxsaq görərik ki, hamilə olub-olmamasından asılı olmayaraq arvad istənilən vaxt ərə qarşı nikahın pozulması barədə iddia qaldıra bilər. Ər isə yalnız arvadın hamiləliyi dövründə və uşaq bir yaşına çatana qədər bu hüquqdan istifadə edə bilməz.

“Heç kim məcburi nikahda özü istəmədən, öz iradəsilə heç bir şəkildə saxlanıla bilməz. Tərəflərdən biri israrlıdırsa, məhkəmə zorla heç kimi nikahda saxlamır və heç kimi nikahda qalmağa məcbur etmir”,- deyə o əlavə edib. 

Çimnaz Telmanqızı

Həmçinin oxuyun

Azərbaycanda koronavirus  təhlükəsi varmı? - HƏKİM DANIŞIR

Trampın Əliyevi  ABŞ-yə dəvəti Azərbaycana nə verəcək?  —  SİYASİ ŞƏRH

Azərbaycan milyonlarla gəlir qazanacaq - AÇIQLAMA

 Elm və Təhsil Nazirliyi yeni təyinatla bağlı MƏLUMAT YAYDI