Azərbaycanda bu sahədə YENİLİK:Yeni qaydalara əsasən...

Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyi dənizçilərin sertifikatlaşdırılması sisteminin təkmilləşdirilməsi istiqamətində növbəti mühüm yenilik edib.

Oxu24.com  agentliyə istinadən xəbər verir ki, kapitan və komandir heyəti üzvlərinin sertifikatlarının (diplomlarının) yenilənməsi prosesi daha sadə və çevik mexanizm əsasında həyata keçiriləcək.

Yeni qaydalara əsasən, kapitan və komandir heyəti üzvləri sertifikatlarına (diplomlarına) uyğun vəzifədə son 5 il ərzində azı 12 ay və ya son 6 ayda azı 3 ay dənizdə xidmət stajını təsdiqləyən sənədi təqdim etdikdə və Agentlikdə təşkil olunan müvafiq təlimatlandırmadan keçdiyi halda sertifikatlarını (diplomlarını) təkmilləşdirmə kursu və biliklərin yoxlanılması imtahanı olmadan yeniləmək imkanı qazanacaqlar.

Yeni mexanizm iyunun 22-dən tətbiq olunacaq. Həmin tarixədək verilmiş sertifikatların (diplomların) etibarlılıq müddətinin başa çatmasına 6 aydan az müddət qaldıqda dənizçilər bu sənədlərin yenilənməsi üçün Agentliyə müraciət edə bilərlər.

Hazırda qüvvədə olan qaydalara əsasən, kapitan və komandir heyəti sertifikatlarının (diplomlarının) yenilənməsi üçün aşağıdakı şərtlərdən birinin yerinə yetirilməsi tələb olunur:

- son 5 il ərzində azı 12 ay və ya son 6 ay ərzində azı 3 ay dənizdə xidmət stajını, habelə təkmilləşdirmə kursunu müvəffəqiyyətlə bitirdiyini təsdiq edən xüsusi hazırlıq şəhadətnaməsini təqdim etmək və ya

- son 5 il ərzində azı 12 ay və ya son 6 ay ərzində azı 3 ay dənizdə xidmət stajını təsdiq etməklə Agentlik tərəfindən keçirilən bilik və bacarıqların yoxlanılması imtahanında iştirak

Dənizdə xidmət stajına dair tələbləri yerinə yetirməyən şəxslər üçün isə təkmilləşdirmə kursunu müvəffəqiyyətlə başa vurmaq və ya Agentliyin təşkil etdiyi bilik və bacarıqların yoxlanılması imtahanında iştirak tələbi qüvvədə qalır.

Dəyişikliklərin əsas məqsədi "Dənizçilərin hazırlanmasına, onlara diplom verilməsinə və növbə çəkməyə dair" 1978-ci il tarixli, düzəlişlər edilmiş Beynəlxalq Konvensiyanın (DHDNÇ Konvensiyası) tələblərinə uyğunluğun təmin edilməsi, sertifikatlaşdırma prosesinin optimallaşdırılması, inzibati yükün azaldılması və dənizçilərə daha operativ xidmət göstərilməsidir.

Həmçinin oxuyun

Bakıda yaşayanlara mühüm xəbər:Hansı dəyişiklik OLACAQ?

Yüksək vəzifəyə təyinat aldı  —  ƏMR İMZALANDI

Milli Hidrometeorologiya Xidməti xəbərdarlıq yaydı: 40 dərəcə isti olacaq

Elgiz Əkbər açıqladı: Yeni layihə gəlir -VİDEO