Mənzil alıcılarına vacib xəbərdarlıq: Sənədləri yoxlamadan almayın  

Azərbaycanda daşınmaz əmlak bazarında son dövrlər alıcıların qarşılaşdığı ən böyük problemlərdən biri üzə çıxıb. Pulu ödənilən, təmiri bəyənilən mənzillərin sonradan başqa şəxslər tərəfindən iddia predmeti olması yüzlərlə vətəndaşı çətin vəziyyətdə qoyur. Bəs böyük məbləğdə pul ödəyib aldığınız ev birdən-birə əlinizdən çıxa bilərmi?

Oxu24.com ekspertlərin bu mövzu ilə bağlı mühüm xəbərdarlığını təqdim edir.

Mütəxəssislərin bildirdiyinə görə, əmlak alarkən ən böyük təhlükə vərəsəlik sənədləri ilə bağlıdır. Belə ki, bir şəxs dünyasını dəyişdikdən sonra onun mənzili övladlarına qalır. Lakin övladlardan biri digər qardaş və ya bacılarının xəbəri olmadan ev üzərində müəyyən sənədləşmə apararaq mənzili satışa çıxarır.

Məsələn, digər vərəsələr xaricdə (Rusiya, Türkiyə və s.) yaşayırsa və mənzilin satılmasından ümumiyyətlə xəbərləri yoxdursa, bu gələcəkdə böyük məhkəmə çəkişmələrinə yol açır. Siz evi alıb, pulunu tam ödədikdən bir il sonra qapınızı digər vərəsə döyərək “Bu evdə mənim də payım var" deyə bilər.

Vacib qeyd: Əgər mülkiyyət sahibi vəsiyyətnamə qoymayıbsa, qanunla bütün övladlar və hətta dünyasını dəyişmiş övladların uşaqları belə o əmlakda pay sahibidir. Satış prosesindən əvvəl bu məsələlərin tam hüquqi həlli tapılmalıdır.

Alıcı nələri riskə atır?

Bu növ problemli sənədləri olan evləri alan şəxslər faktiki olaraq hər şeyini itirmək təhlükəsi ilə üz-üzə qalır:

•İllərlə davam edən məhkəmə prosesləri.

•Ödənilən pulların dondurulması və ya tamamilə batması. Keçmiş ev sahibi pulu geri qaytarmaqdan imtina etdikdə proses daha da mürəkkəbləşir.

Ən böyük səhv harada edilir?

Vətəndaşların mənzil alarkən etdiyi ən böyük səhv, evə vizual olaraq baxıb, binasını, qazını və təmirini bəyənərək dərhal qərar vermələridir. Sənədləşmə tərəfi isə tam dəqiq araşdırılmır. Ekspertlər xəbərdarlıq edir ki, bu cür dəhşətli vəziyyətlərlə qarşılaşmamaq üçün ev alarkən mütləq peşəkar hüquqşünaslara və sahənin mütəxəssislərinə müraciət olunmalı, vərəsəlik işinin açılıb-açılmadığı, digər payçılardan imtina ərizələrinin olub-olmadığı 6 ay öncədən dərindən yoxlanılmalıdır.

Oxu24.com olaraq xatırladırıq ki, evinizin sənədlərini yoxlamadan imza atmayın, pullarınız və gələcəyiniz məhv ola bilər!

Həmçinin oxuyun

Nazir müavini təyin OLUNDU

SON DƏQİQƏ! 1 avqustun havası ilə bağlı XƏBƏRDARLIQ

1 avqustda bizi nələr gözləyir? — ULDUZ FALI

Prezident İlham Əliyev sərəncam imzalayıb