“Kids Academy by British School”da məktəbəqədər qrupların Məzun Günü keçirilib

18 iyun 2026-cı il tarixində Bakı şəhərinin nüfuzlu məkanlarından biri olan “The Ritz-Carlton, Baku” hotelində Azərbaycanda ilk və yeganə Böyük Britaniya təhsil modeli əsasında fəaliyyət göstərən “Kids Academy by British School” Körpələr Evi-Uşaq Bağçasının 2025–2026-cı tədris ili üzrə ingilis bölməsinin məktəbəqədər qruplarının Məzun Günü tədbiri keçirilib.

Bağçanın fəaliyyət tarixində sayca 7-ci Məzun Günü olan tədbirdə məzunlar, onların valideynləri, pedaqoji heyət, qonaqlar, eləcə də ölkənin aparıcı televiziya kanalları və media qurumlarının nümayəndələri iştirak ediblər.

Tədbir Azərbaycan Respublikası və Böyük Britaniyanın dövlət himnlərinin səsləndirilməsi ilə başlayıb. Daha sonra bağçanın rəhbəri Gülnarə Qafarova çıxış edərək məzunları təbrik edib, onların gələcək təhsil həyatında uğurlar arzulayıb və valideynlərə göstərdikləri etimada görə təşəkkürünü bildirib.

Mərasim zamanı məktəbəqədər təhsil mərhələsini uğurla başa vuran uşaqlara Bakı Britaniya Məktəbinin (British School in Baku) və Kids Academy by British School-un sertifikatları, eləcə də müxtəlif hədiyyələr təqdim olunub. Tədbirin bədii hissəsində balaca məzunlar il ərzində qazandıqları bilik və bacarıqları nümayiş etdirərək musiqi, rəqs və səhnəciklərdən ibarət maraqlı proqramla çıxış ediblər. Uşaqların hazırladıqları nömrələr valideynlər və qonaqlar tərəfindən böyük maraq və alqışlarla qarşılanıb.

Məzun Günü tədbiri televiziya və mətbuat nümayəndələri tərəfindən geniş şəkildə işıqlandırılıb, tədbir iştirakçıları ilə müsahibələr hazırlanıb və uşaqların uğurları media vasitəsilə ictimaiyyətə çatdırılıb.

Qeyd edək ki, artıq 7 ildir fəaliyyət göstərən “Kids Academy by British School” Azərbaycan, ingilis və rus bölmələri üzrə tədris aparır. Müəssisənin əsas təhsil istiqaməti Böyük Britaniyanın beynəlxalq səviyyədə tanınan Cambridge Kurikulumu əsasında qurulub. Bu yanaşma uşaqların erkən yaşlardan beynəlxalq standartlara uyğun təhsil almasına və gələcək akademik uğurlar üçün möhkəm təməl formalaşdırmasına imkan yaradır.

“Kids Academy by British School”un məzunları təhsillərini davam etdirmək üçün Bakı Britaniya Məktəbində (British School in Baku) xüsusi güzəştli şərtlərlə təhsil almaq hüququ əldə edirlər.

Nəzərinizə çatdırırıq ki, sözügedən bağça Bakı şəhərində iki filial üzrə fəaliyyət göstərir.

Həmçinin oxuyun

Bakıda yaşayanlara mühüm xəbər:Hansı dəyişiklik OLACAQ?

Yüksək vəzifəyə təyinat aldı  —  ƏMR İMZALANDI

Milli Hidrometeorologiya Xidməti xəbərdarlıq yaydı: 40 dərəcə isti olacaq

Elgiz Əkbər açıqladı: Yeni layihə gəlir -VİDEO